চিটাৰা ডেস্ক,12 মে'ঃ কৰ'ণা ভাইৰাছে সমগ্ৰ বিশ্বকে ভয়ানক বিপদৰ মাজলৈ থেলি দিছে ৷ এই ভাইৰাছে দেশৰ অৰ্থনীতি, শিক্ষাৰ লগতে সাংস্কৃতিক ক্ষেত্ৰখনত যথেষ্ট প্ৰভাৱ পেলাইছে ৷
সমগ্ৰ বিশ্বতে বহুকেইখন ছবিৰ মুক্তিত বাধা আহি পৰিছে ৷ কেৱল মুক্তিয়েই নহয় নতুনকৈও ছবি নিৰ্মাণ কৰিব পৰা নাই ছবি উদ্যোগসমূহে ৷ কেৱল সেয়াই নহয় অস্কাৰ বঁটাও চাৰিমাহ পিছুৱাই দিয়া হৈছে ৷
আগন্তুক বৰ্ষৰ 28 ফেব্ৰুৱাৰীত অস্কাৰ বঁটাৰ অনুষ্ঠান আয়োজন হোৱাৰ কথা আছিল ৷ কিন্তু বৰ্তমান পৰিস্থিতিলৈ লক্ষ্য ৰাখি এই এৱাৰ্ড চাৰিমাহ পিছুৱাই দিয়াৰ সিদ্ধান্ত লৈছে ৷
কৰ'ণাৰ বাবে এই বঁটাৰ মাজতো কিছু সাল-সলনি কৰা হৈছে ৷ এই বৰ্ষত মুক্তি পোৱা ছবিসমূহক লৈহে বঁটা প্ৰদান কৰা হ'ব ৷ লগতে বঁটা প্ৰদানৰ বহুকেইটা শিতান হ্ৰাস কৰি মুঠ 23 টাহে শিতানহে ৰাখিব বুলি জানিব পৰা গৈছে ৷
