চিটাৰা ডেস্ক, ২২ জানুৱাৰী: প্ৰকৃতি ধংস আৰু গড় হত্যাক মূল বিষয়বস্তু হিচাপে লৈ নিৰ্মাণ কৰা অসমীয়া ছবি 'অৰ্জুন'ৰ প্ৰিমিয়াৰ শ্ব' বৃহস্পতিবাৰে নলবাৰী নাট্য মন্দিৰত প্ৰদৰ্শিত হয় । ছবিখন আনুষ্ঠানিকভাৱে উদ্বোধন কৰে জনপ্ৰিয় শিল্পী দীপলিনা ডেকাই । প্ৰিমিয়াৰ শ্ব'ৰ লগত সংগতি ৰাখি এখন সভাও অনুষ্ঠিত কৰা হয় । সভাত উপস্থিত থাকে নলবাৰী সমষ্টিৰ বিধায়ক অশোক শৰ্মা,ছবিখনৰ প্ৰযোজক গণেশ তামুলী,পৰিচালক ৰজনী বৰ্মন,অভিনেতা মৃদুল ভূঞা আৰু নলবাৰী জিলা সাহিত্য সভাৰ সভাপতি ধ্ৰুৱজ্যোতি শৰ্মা ।
বিশেষকৈ প্ৰকৃতিৰ ৰক্ষা কৰাৰ বাবে ৰাইজক সজাগ কৰাৰ উদ্দেশ্যেৰে ছবিখন নিৰ্মাণ কৰা হৈছে । 'অৰ্জুন' নামৰ এটা হাতীয়ে কিদৰে বন সুৰক্ষা দিছে সেয়া নাটকীয় ৰূপত উপস্থাপন কৰা হৈছে । ছবিখনত অভিনেতা নিপন গোস্বামী,বিকিকে ধৰি,ন-পুৰণি কেইবাগৰাকীও অভিনেতাই অভিনয় কৰিছে । 'অৰ্জুন' ছবিখন সকলোৱে উপভোগ কৰাৰ লগতে দীপলিনা ডেকাৰ গীতে জীপাল কৰি তোলে অনুষ্ঠানটি ।
লগতে পঢ়ক:ৰাইজৰ দল আৰু AJPক মহাজোঁটৰ অংশীদাৰ হ’বলৈ আহ্বান বদৰুদ্দিনৰ
