চিটাৰা ডেস্ক, 12 মাৰ্চ : ৰাধে শ্যামৰ সমান্তৰালকৈ চৰ্চা লাভ কৰিছে এখন ছবিয়ে ৷ জনপ্ৰিয় অভিনেতা অনুপম খেৰ অভিনীত ছবি দ্য কাশ্মীৰ ফাইল্ছে 11 মাৰ্চত মুক্তি লাভ কৰিলে ৷ মুক্তিৰ পূৰ্বেই বিশেষ চৰ্চা লাভ কৰা ছবিখনে মুক্তিৰ পিছত সৃষ্টি কৰিছে অভিলেখ (The Kashmir Files movie review) ৷
দ্য কাশ্মীৰ ফাইল্ছ ছবিখন নিৰ্দেশনা কৰিছে বিবেক ৰঞ্জন অগ্নিহোত্ৰীয়ে ৷ ছবিখনত নিৰ্মাতাই কাশ্মীৰী পণ্ডিত (Kashmiri pandit) সকলে পলাই যাব লগীয়া হোৱা কাহিনীক অতি সূক্ষ্মভাৱে উপস্থাপন কৰিছে ৷ দৰ্শকৰ মাজত ছবিখনকলৈ অন্য এক উৎসাহ দেখা পোৱা গৈছে ৷
- " class="align-text-top noRightClick twitterSection" data="
">
মুক্তিৰ দিনা দ্য কাশ্মীৰ ফাইল্ছ চাই চিনেমা হলতে কান্দোনত ভাগি পৰিল বহু দৰ্শক ৷ তাৰেই ভিডিঅ’ এটা শ্বেয়াৰ কৰিলে অভিনেতা দৰ্শন কুমাৰে যিটো এতিয়া সামাজিক মাধ্যমত ভাইৰেল হৈ পৰিছে ৷
অলপতে কাশ্মীৰত দ্য কাশ্মীৰ ফাইল্ছৰ স্ক্ৰীণিং কৰা হৈছিল ৷ ছবিগৃহত কাশ্মীৰী পণ্ডিতসকলক ছবিখন দেখুওৱা হৈছিল ৷ ছবিখনৰ অন্তত সকলোৰে চকুত কেৱল চকুলো ৷ এগৰাকী মহিলাই নিজৰ অনুভৱক ধৰি ৰাখিব নোৱাৰি ছবি নিৰ্মাতাৰ ভৰি চুই সেৱা জনালে এনেকুৱা এখন সংবেদনশীল ছবি নিৰ্মাণ কৰাৰ বাবে ৷
সুন্দৰ অভিনয়ৰ বাবে দৰ্শন কুমাৰক সকলোৱে প্ৰশংসা কৰিছে ৷ দৰ্শন কুমাৰৰ লগতে ছবিখনত দুই দ্বিগজ অভিনেতা অনুপম খেৰ আৰু মিথুন চক্ৰৱৰ্তীয়েও অভিনয় কৰিছে ৷
লগতে পঢ়ক: Kajal Aggarwal pregnancy news : স্বামীৰ সৈতে কটোৱা মূহুৰ্তৰ ফটো শ্বেয়াৰ অভিনেত্ৰী কাজলৰ
