চিটাৰা ডেস্ক, 18 মাৰ্চ : মিচিকিয়া হাঁহিৰে যুৱতীকুলৰ কলিজাত কম্পন অনা দক্ষিণৰ তাৰকা অভিনেতা বিজয় দেৱেৰাকোণ্ডাৰ এটা ভিডিঅ’ শেহতীয়াকৈ খুবেই ভাইৰেল হৈ পৰিছে (Vijay Deverakonda latest updates) ৷ ভিডিও’টো চাই চিন্তিত হৈ পৰিছে দেশৰ যুৱতীসকল ৷
বলিউদৰ অভিনেত্ৰীৰ পৰা বৰ্তমানে এগৰাকী প্ৰযোজক হিচাপে কাম কৰি থকা চাৰ্মি কৌৰে শ্বেয়াৰ কৰা এটা ভিডিঅ’ই খলকনি তুলিছে সামাজিক মাধ্যমৰ লগতে যুৱতীসকলৰ হৃদয়ত ৷ ভিডিওটোত জনপ্ৰিয় অভিনেতা বিজয়ক দেখা পোৱা গৈছে ক’লা পোছাকৰ সৈতে এক ষ্টাইলিছ্ লুকত ৷ বিজয়ক এগৰাকী যুৱতীৰ সৈতে কথোপকথন কৰা দেখা পোৱা গৈছে ভিডিওটোত (Vijay Deverakonda latest news) ৷
তেওঁৰ লুকে আমনি কৰাৰ সমান্তৰালকৈ এতিয়া এই কথাই চিন্তিত কৰি তুলিছে যুৱতীসকলক ৷ কোনে বিজয়ৰ সৈতে এইদৰে কথা পাতিছে ? পিছফালৰ পৰা চিনিব নোৱাৰা যুৱতীগৰাকীক দেখিবলৈ পোৱা গৈছে নেটৰ এক আৱেদনময়ী পোছাকত ৷
প্ৰকৃততে ধৰ্মা প্ৰডাকচনৰ মুখ্য কাৰ্যবাহী বিষয়া অপূৰ্ব মেহতাৰ জন্মদিনৰ অনুষ্ঠানত অংশ লৈছিল বিজয়ে ৷ তাত অভিনেত্ৰী অনন্যা পাণ্ডেৰ সৈতে বিজয়ক দেখা গ’ল এনেদৰে ৷ প্ৰথমতে ভিডিও'টোত ধৰিব পৰা হোৱা নাছিল যদিও পিছলৈ ফটোৰ বাবে প’জো দিয়ে অনন্যাই ৷ চাৰ্মি কৌৰৰ নিজৰ ইন্ষ্টাগ্ৰাম একাউণ্টত শ্বেয়াৰ কৰা এই ভিডিঅ’টোকলৈ এতিয়া সৰ্বত্ৰে বিজয়ৰ অনুৰাগী সকলৰ মাজত হৈছে আলোচনা ৷ চাওঁক ভিডিঅ’টো-
লগতে পঢ়ক: ৰূপালী পৰ্দাত ধামাকা কৰিবলৈ সাজু হৈছে বিজয় দেৱেৰাকোণ্ডা আৰু সামান্থা ৰুথ প্ৰভু
