চিটাৰা ডেস্ক,30জুনঃ অভিনেতা সুশান্ত সিং ৰাজপুতৰ মৃত্যুৰ পিছত পুনৰবাৰ সৰৱ চৰ্চা বলীউড জগতৰ নেপ'টিজম অৰ্থাৎ ভাই-ভতিজাবাদৰ ওপৰত ৷ এইবাৰ কেৱল তাৰকাৰ মাজতে এই চৰ্চা নাথাকিল, এই চৰ্চা চলিছে অনুৰাগীৰ মাজত ৷ সুশান্তৰ অনুৰাগীসকলে বিষয়টো যথেষ্ট গুৰুত্ব সহকাৰে লৈ আৰম্ভ কৰিছে বাদ-বিবাদৰ ৷ বহু অনুৰাগীৰ অনুভৱ বলীউডত অন্যায় হৈছে আউটচাইডাৰ প্ৰতিভাসমূহৰ ক্ষেত্ৰত ৷
এই ঘটনাৰ পিছতে এনেকুৱা বহু চেলিব্ৰেটী আগবাঢ়ি আহিল যি সকলে ছবি জগতত কেৰিয়াৰ গঢ়াৰ ক্ষেত্ৰত নেপ'টিজমৰ বাবে সমস্যাৰ সন্মুখীন হৈছে ৷ ইয়াৰ মাজতে শেহতীয়াকৈ বলীউডৰ প্ৰসিদ্ধ তথা জনপ্ৰিয় অভিনেত্ৰী প্ৰিয়ংকা চোপ্ৰাৰ কথাও পোহৰলৈ আহিছে ৷ তেওঁৰ এটা পুৰণি সাক্ষাৎকাৰ ভিডিঅ' ভাইৰেল হৈছে ৷ য'ত অভিনেত্ৰী গৰাকীয়ে নিজৰ লগত হোৱা এনে এটা ঘটনাই উল্লেখ কৰিছিল ৷ তেওঁ এনে এটা ঘটনাৰ কথা উল্লেখ কৰিছিল য'ত তেওঁৰ হাতৰ পৰা বহুকেইখন ছবি কাঢ়ি লৈ দি দিয়া হৈছিল আন অভিনেত্ৰীক ৷
পুৰণি ভিডিঅ'টোত স্পষ্টকৈ অভিনেত্ৰী গৰাকীয়ে নেপ'টিজমৰ ওপৰত মাত মতা পৰিলক্ষিত হৈছে ৷
- " class="align-text-top noRightClick twitterSection" data="
">
অভিনেত্ৰী গৰাকীয়ে কৈছিল, "নেপ'টিজম আৰু বলীউড লগে লগে চলে ৷ কিন্তু যোৱা কেইটামান বছৰত বহুকেইজন এনেকুৱা অভিনেতা পোহৰলৈ আহিছে যি কেইজনে এই ব্যৱস্থা ভংগ কৰাত সফল হৈছে আৰু নিজৰ পৃথক পৰিচয় গঢ়িছে আৰু মইও সেইটোৱে চেষ্টা কৰি আছো ৷"
- " class="align-text-top noRightClick twitterSection" data="
">
লগতে কৈছিল," মোৰ বাবে এইটো যথেষ্ট টান আছিল, মই ইয়াত কাকো জনা নাছিলো ৷ যেতিয়া মই ইয়াত ভৰি থৈছো তেতিয়া সকলোৱে ইয়াত এজন আনজনৰ বন্ধু আছিল ৷ মই নেটৱৰ্কিং বনোৱাত ভাল নাছিলো , পাৰ্টী বিলাকলৈ মই যোৱা নাছিলো সেইকাৰণে মোৰ কাৰণে কথাবোৰ কঠিন হৈ পৰিছিল ৷ মই এই সত্যক স্বীকাৰ কৰিবলৈ ল'লো আৰু সিদ্ধান্ত ল'লো যে মই এইবিলাকলৈ ভয় কৰিব নালাগিব ৷ "
লগতে পঢ়কঃএসময়ৰ অভিনেতা আজি পাচলি বিক্ৰেতা
