চিটাৰা ডেস্ক, ২৮ জানুৱাৰী: আগন্তুক ছবি 'ছাব্বাছ মিথু'ৰ বাবে অভিনেত্ৰী তাপছী পান্নুৱে বুধবাৰৰ পৰা প্ৰশিক্ষণ লোৱা আৰম্ভ কৰিছে । সোমবাৰে 'ৰশ্মি ৰকেট'ৰ দৃশ্যগ্ৰহণ সম্পূৰ্ণ কৰিছে অভিনেত্ৰীগৰাকীয়ে । ভাৰতীয় মহিলা ক্ৰিকেট দলৰ সুদক্ষ খেলুৱৈ মিথালী ৰাজৰ জীৱন কাহিনীৰ আধাৰত নিৰ্মাণ কৰা হৈছে 'ছাব্বাছ মিথু' ছবিখন ।
ছবিখনত তেওঁ মিথালী ৰাজৰ চৰিত্ৰ ৰূপায়ণ কৰিব । প্ৰশিক্ষণ গ্ৰহণ কৰি থকা সময়ৰ এখন ফটো টুইটযোগে শ্বেয়াৰ কৰিছে অভিনেত্ৰীগৰাকীয়ে । ফটোখন শ্বেয়াৰ কৰি তাপছী পান্নুৱে লিখিছে যে, 'বেট আৰু বলৰ সৈতে ৰোমাঞ্চ পুনৰ আৰম্ভ হৈছে । এতিয়াও দীঘলীয়া বাট বাকী আছে । কিন্তু এটা ভাল আৰম্ভণিৰ সৈতে আধাখিনি কাম সম্পূৰ্ণ হোৱা যেন অনুভৱ হৈছে ।'
লগতে মিথালী ৰাজক প্ৰশংসাও কৰে অভিনেত্ৰীগৰাকীয়ে । 'পাৰজানিয়া' আৰু 'ৰেইছ' ছবিৰ বাবে জনাজাত ৰাহুল ঢ'লাকিয়াই 'ছাব্বাছ মিথু' ছবিখন নিৰ্দেশনা কৰিছে ।
লগতে পঢ়ক:আমেৰিকা আৰু ভাৰতৰ নিৰাপত্তা উপদেষ্টাৰ টেলিফোনিক বাৰ্তালাপ
