চিটাৰা ডেস্ক,29 এপ্ৰিল: বলীউডৰ অভিনেতা ৰিয়েল হিৰ’ খ্যাত চনু চুডে বুধবাৰে ইনষ্টাগ্ৰামযোগে ক’ভিডত আক্ৰান্ত লোকসকসক সহায়ৰ হাত আগবঢ়াবলৈ সকলোকে আহ্বান জনায় ৷ নিজৰ ফোনৰ পৰা এটি স্ক্ৰীন ৰেকৰ্ডিং শ্বেয়াৰ কৰি অভিনেতা গৰাকীয়ে নিৰন্তৰভাৱে সহায় বিচৰা ৰোগীসকলৰ বাৰ্তা পাই আহিছে ৷ অভিনেতা গৰাকীয়ে যিমান সম্ভৱ সিমানেই ৰোগীসকলক সহায় কৰি আছে ৷ লগতে সকলো লোককে পৰ্যাপ্ত পৰিমাণে সহায় আগবঢ়াবলৈ আহ্বান জনায় চনু চুডে ৷
উল্লেখ্য যে, অভিনেতাগৰাকীয়েও এই ভাইৰাছত আক্ৰান্ত হৈছিল ৷ কিন্তু ক’ভিড মহামাৰীৰ পৰা আৰোগ্য হোৱাৰ পাচৰ পৰাই তেওঁ অন্য আক্ৰান্ত হোৱা দৰিদ্ৰ লোকসকলক সহায়ৰ হাত আগবঢ়াই আহিছে ৷
ইফালে চলিত মাহৰ আৰম্ভণিতে পঞ্জাৱৰ মুখ্যমন্ত্ৰী অমৰিন্দৰ সিঙে পঞ্জাৱৰ ক’ভিড টীকাকৰণ কাৰ্যসূচীৰ ব্ৰেণ্ড এম্বেছেদৰ হিচাপে নিযুক্তি দিয়ে চনু চুডক ৷ বিগত বৰ্যৰ লক ডাউনৰ সময়ত সহস্ৰাধিক প্ৰব্ৰজনকাৰীক সুৰক্ষিতভাৱে ঘৰলৈ প্ৰেৰণ কৰিছিল অভিনেতাগৰাকীয়ে ৷
লগতে পঢ়ক : ক’ভিডত আক্ৰান্ত মিথুন চক্ৰৱৰ্তী: সদৰী কৰিলে পুত্ৰই
