চিটাৰা ডেস্ক, ১৯ জুন : এইবাৰ বিবাহিত ব্যক্তি সন্দৰ্ভত কৰা টিপ্পনীৰে চৰ্চাত অভিনেত্ৰী শিল্পা ছেট্টীৰ স্বামী ৰাজ কুন্দ্ৰা । ব্ৰিটিছ-ভাৰতীয় ব্যৱসায়ীজনে জনপ্ৰিয় স্পেনিছ ৱেব ছিৰিজ 'Money Heist'ত পঞ্জাৱী ৰহন সানি এটা ভিডিঅ' প্ৰস্তুত কৰিছে । ভিডিঅ'টোত তেওঁক নেটফ্লিক্সৰ ছুপাৰহিট ছিৰিজটোৰ অধ্যাপক হিচাপে আৰু পত্নী শিল্পাক টকিঅ' হিচাপে দেখুওৱা হৈছে । ৰাজে শেহতীয়াকৈ ইনষ্টাগ্ৰাম পোষ্টযোগে এই হাস্যকৰ ভিডিঅ'টো শ্বেয়াৰ কৰে ।
তেওঁ ফেচ শ্বেপ এপৰ সহায়ত এই ভিডিঅ'টো প্ৰস্তুত কৰিছিল । ভিডিঅ'টো শ্বেয়াৰ কৰি ৰাজে লিখিছে যে, "অৱশেষত 'Money Heist'ত পঞ্জাৱী দম্পতী । সংলাপটো পঞ্জাৱীলৈ অনুবাদ কৰি লিখিছে যে, যেতিয়া এগৰাকী ভাৰতীয় মহিলা বিবাহিত হয়, তেতিয়া মংগলসূত্ৰৰ জৰিয়তে গম পোৱা যায় যে তেওঁ বিবাহিত । কিন্তু ভাৰতীয় পুৰুষ বিবাহিত হয় নে নহয় সেয়া কেনেকৈ জানিব ।
ইনষ্টাগ্ৰামত ১ মিলিয়ন ফল'ৱাৰ্ছ থকা ৰাজ কুন্দ্ৰাৰ ভিডিঅ'টো ১০৯ হাজাৰ অনুৰাগীয়ে চাইছে ।
- " class="align-text-top noRightClick twitterSection" data="
">
ৰাজৰ পোষ্টৰ প্ৰতি প্ৰতিক্ৰিয়া ব্যক্ত কৰি শিল্পাই লিখিছে যে, "হে ভগৱান !" শিল্পাৰ উপৰিও বি প্ৰাক, ছাৰা খান আৰু বিকাশ ভল্লাৰ দৰে তাৰকাসকলকো ৰাজৰ ভিডিঅ'টোৱে আমোদ দিছে । কেইদিনমান পূৰ্বে প্ৰথমা পত্নী কবিতাই ৰাজ আৰু শিল্পাৰ বিবাহৰ পূৰ্বৰ সম্পৰ্কক লৈ প্ৰশ্ন উত্থাপন কৰা এটা পুৰণি ভিডিঅ' ভাইৰেল হৈছিল ৷
ইয়াৰ পিছতে ৰাজে এক সাক্ষাৎকাৰত দাবী কৰিছিল যে, প্ৰাক্তন পত্নী কবিতাৰ তেওঁৰ ভগ্নীৰ স্বামীৰ সৈতে প্ৰেমৰ সম্পৰ্ক আছিল । এই সম্পৰ্কৰ বাবে তেওঁলোকৰ বিবাহ বিচ্ছেদ হৈছিল বুলি মন্তব্য কৰিছিল ৰাজ কুন্দ্ৰাই । ইয়াৰ পিছত শিল্পা ছেট্টীয়েও এক আৱেগিক পোষ্ট শ্বেয়াৰ কৰিছিল । এগৰাকী নিকা হৃদয়ৰ ব্যক্তিক মানুহে কেনেকৈ অপযশ জাপি দিব পাৰে বুলি প্ৰশ্ন উত্থাপন কৰিছিল শিল্পাই ।
লগতে পঢ়ক: একেলগে কাম কৰিব শেখৰ কাম্মুলা আৰু ধনুষে
