চিটাৰা ডেস্ক, ১৬ অক্টোবৰ : টেলিভিছন শ্ব'ৰ জৰিয়তে দৰ্শকৰ মন মুহিবলৈ সাজু হৈছে বলীউড অভিনেতা ৰণবীৰ সিং(Ranveer Singh) । সকলোৱে আশাৰে বাট চাইছে নতুন ৰূপত ৰণবীৰক চাবলৈ । কিন্তু শনিবাৰে ৰণবীৰ সিঙৰ এখন বিশেষ ফটোৱে খলকনি তুলিছে ছ'চিয়েল মিডিয়াত । ৰণবীৰে ইনষ্টাগ্ৰাম(Instagram) পোষ্টযোগে এখন ফটো শ্বেয়াৰ কৰিছে ।
- " class="align-text-top noRightClick twitterSection" data="
">
ফটোখনত টাৱেল পিন্ধি থকা অৱস্থাত দেখা গৈছে অভিনেতাগৰাকীক । ফটোখন শ্বেয়াৰ কৰি ৰণবীৰে অনুৰাগীক উদ্দেশ্যি এটা প্ৰশ্নও কৰিছে । তেওঁ সুধিছে- "ৰণবীৰৰ ঘাম কিয় ওলাই আছে ?" লগতে চাৰিটা উত্তৰৰ মাজৰ পৰা শুদ্ধ উত্তৰ বাচি উলিওৱাৰো সুযোগ দিছে অভিনেতাগৰাকীয়ে । উত্তৰ কেইটা হৈছে- ১) তেওঁ এতিয়া ষ্টীম ৰূমৰ পৰা ওলাই আহিছে, ২) আজি দূৰদৰ্শনত তেওঁ আত্মপ্ৰকাশ কৰিব, ৩) তেওঁৰ শৰীৰৰ উত্তাপ বেছি, ৪) তেওঁ যোগাভ্যাস কৰি আছে ।
অনুৰাগীয়ে কমেণ্ট ছেকছন ফায়াৰ ইম'জিৰে ভৰাই পেলাইছে । ৰেমো ডিচুজা, ডিনো মৰিয়া, গুলচন দেৱায়া আৰু আন বহুজনে অভিনেতাজনৰ শৰীৰৰ প্ৰশংসা কৰে ।
লগতে ৰণবীৰৰ সুঠাম শৰীৰৰ প্ৰশংসাত পঞ্চমুখ হৈ পৰে অনুৰাগীসকল । কিন্তু পূজা হেগড়েৰ মন্তব্যই সকলোৰে দৃষ্টি আকৰ্ষণ কৰে । ধেমালিৰ চলেৰে পূজাই লিখিছে যে, টাৱেলখন পৰি যাব ধৰিছে, সাৱধান হোৱা । উল্লেখ্য যে, পূজা আৰু ৰণবীৰক ৰোহিত ছেট্টী পৰিচালিত 'চাৰ্কাছ'(Cirkus)ত দেখা পোৱা যাব ।
ছবিখন উইলিয়াম শ্বেক্সপীয়েৰৰ নাটক 'দ্য কমেডি অৱ এৰৰ্ছ'ৰ এক অভিযোজন । ছবিখনত ৰণবীৰে দ্বৈত চৰিত্ৰত অভিনয় কৰিছে । লগতে ছবিখনত জেকলিন ফাৰ্ণাণ্ডেজ, বৰুণ শৰ্মা, জনি লিভাৰ, সঞ্জয় মিশ্ৰ, সিদ্ধাৰ্থ যাদৱ আৰু ব্ৰজেশ হিৰজীয়েও অভিনয় কৰিছে । ৰণবীৰক টেলিভিছন কুইজ শ্ব' "দ্য বিগ পিকচাৰ"ত এক নতুন ৰূপত দেখা পোৱা যাব আৰু এয়া তেওঁৰ প্ৰথম টেলিভিছন শ্ব' ।
লগতে পঢ়ক : Big Boss 15 : শমিতা চেট্টীক কৰা অপমানৰ বাবে অগ্নিশৰ্মা চলমান
