চিটাৰা ডেস্ক, ২৮ আগষ্ট: বলীউডৰ 'দেশী গাৰ্ল' প্ৰিয়ংকা চোপ্ৰাৰ এখন ফটোৱে চিন্তিত কৰি তুলিছে অনুৰাগীক । প্ৰিয়ংকাই নিজেই ইনষ্টাগ্ৰাম পোষ্টযোগে শ্বেয়াৰ কৰিছে ফটো । দৰাচলতে, "সীতাডেল" ছবিৰ দৃশ্যগ্ৰহণত ব্যস্ত হৈ প্ৰিয়ংকাই শেহতীয়াকৈ মুখমণ্ডলত আঘাতৰ চিন থকা দুখন ফটো শ্বেয়াৰ কৰিছে । ইনষ্টাগ্ৰামত শ্বেয়াৰ কৰা ফটো দুখনত প্ৰিয়ংকাৰ কপালত তেজ লাগি থকা দেখা গৈছে ।
লগতে চেলাউৰি আৰু গালতো আঘাতৰ চিন আছে । প্ৰিয়ংকাই ফটো দুখন শ্বেয়াৰ কৰিছে । ইয়াৰে কপালত থকা তেজৰ দাগটো মিছা । সেয়া কেৱল ছবিৰ বাবে কৰা ৰূপসজ্জাহে । আনহাতে চেলাউৰি আৰু গালত থকা আঘাতৰ চিন সঁচা ।
প্ৰিয়ংকাই "সীতাডেল" ছবিৰ দৃশ্যগ্ৰহণৰ সময়ত আঘাতপ্ৰাপ্ত হৈছে । সম্প্ৰতি ফটো দুখন ভাইৰেল হৈ পৰিছে । প্ৰিয়ংকা চোপ্ৰা ফেন পেজৰ ফটো দুখন শ্বেয়াৰ কৰা হৈছে ।
অনুৰাগীসকলেও অভিনেত্ৰীগৰাকীয়ে আঘাত পোৱা বুলি জানিব পাৰি আবেগিক হৈ পৰিছে । বহুতেই ইম'জিৰে ৰিয়েক্ট কৰাৰ লগতে আন একাংশই তেওঁক নিজৰ যত্ন ল'বলৈ পৰামৰ্শ দিছে । প্ৰিয়ংকাই পূৰ্বেও "সীতাডেল" সম্পৰ্কীয় ফটো শ্বেয়াৰ কৰিছিল । ছবিখনত প্ৰিয়ংকাৰ সৈতে ৰিচাৰ্ড মেডেনেও অভিনয় কৰিব ।
প্ৰিয়ংকাই "সীতাডেল"ত এগৰাকী চোৰাংচোৱাৰ চৰিত্ৰত অভিনয় কৰিছে । অভিনেত্ৰীগৰাকীয়ে যোৱা কেইমাহমান ধৰি লণ্ডনত ছিৰিজটোৰ দৃশ্যগ্ৰহণত ব্যস্ত হৈ আছে । "সীতাডেল" ছিৰিজ এমাজন প্ৰাইমত মুক্তি লাভ কৰিব । এই ছিৰিজৰ জৰিয়তে অভিনেত্ৰীগৰাকীয়ে ডিজিটেল প্লেটফৰ্মত আত্মপ্ৰকাশ কৰিব ।
উল্লেখ্য যে, প্ৰিয়ংকা চোপ্ৰাৰ অন্তিমখন বলীউড ছবি আছিল 'দ্য হোৱাইট টাইগাৰ'। ২০২০ চনত তেওঁক হলিউড ছবি উই কেন বি হিৰোজত দেখা গৈছিল । "সীতাডেল"ৰ লগতে প্ৰিয়ংকাৰ আগন্তুত ছবিৰ ভিতৰত আছে-'জি লে জাৰা' আৰু 'মেট্ৰিক্স ৪'।
লগতে পঢ়ক:Honey Singhৰ পৰা বহু কুটি টকা দাবী পত্নীৰ: আজি আদালতে দিব শুনানি
