নিউজ ডেস্ক, 14 মাৰ্চঃ অভিষেক বৰ্মনে ছবিখনৰ পৰিচালনা কৰাৰ বিপৰিতে প্ৰযোজনা কৰিছে কৰণ জোহৰ, ছাজিদ নাডিয়াৱালা, হিৰু য়ছ জোহৰ আৰু অপূৰ্ব মেহেতাই । বৰুণ ধাৱনৰ উপৰিও কলংক'ত মুখ্য চৰিত্ৰত অভিনয় কৰিছে মাধুৰী দীক্ষিত, সোণাক্ষী সিনহা, আলিয়া ভাট, সঞ্জয় দত্ত আৰু আদিত্য ৰায় কাপুৰে ৷ ছবি সমালোচক তথা বাণিজ্যিক বিশ্লেষক তৰণ আদৰ্শে টুইটাৰযোগে প্ৰকাশ কৰে এই তথ্য৷
ছবিখনত বাহাৰ বেগমৰ ৰূপত মাধুৰী দীক্ষিতক দেখা পোৱাৰ লগতে বৰুণ ধাৱনক দেখা যাব জাফাৰৰ ৰূপত । একেদৰে, দেৱ চোধুৰীৰ চৰিত্ৰত অভিনয় কৰিব আদিত্য ৰায় কাপুৰে । বলৰাজ চোধুৰীৰ ৰূপত অভিনয় কৰিব মুন্ন ভাই খ্যাত সঞ্জয় দত্তই । সমান্তৰালভাৱে, ডাবাং গাৰ্ল নামে পৰিচিত সোণাক্ষী সিনহাক সত্য চৌধুৰীৰ ৰূপত দেখা পোৱাৰ লগতে ছবিখনত আলিয়া ভাটক ৰূপৰ চৰিত্ৰত অভিনয় কৰা দেখা যাব । চলচ্চিত্ৰ সমালোচক তৰণ আদৰ্শই টুইটাৰযোগে প্ৰকাশ কৰে এই কথা । উল্লেখ্য যে, চল্লিশৰ দশকৰ প্ৰেক্ষাপটক লৈ নিৰ্মাণ হৈছে ছবিখনৰ কাহিনীভাগ ।
