চিটাৰা ডেস্ক,11 মাৰ্চঃ সমগ্ৰ বিশ্বজুৰি এতিয়া কৰ'ণা ভাইৰাছৰ চৰ্চা ৷ এই মাৰাত্মক ভাইৰাছে মানুহৰ মনত সন্ত্ৰাসৰ সৃষ্টি কৰিছে ৷ দেশতো একেই পৰিস্থিতি ৷ প্ৰতিটো ক্ষেত্ৰতে অৱলম্বন কৰা হৈছে সাৱধানতা ৷ এইবোৰৰ প্ৰতি লক্ষ্য ৰাখি বহু ক্ষেত্ৰত কৰা হৈছে সাল-সলনি ৷ চিনেমাৰ ক্ষেত্ৰখনটো ছবি মুক্তিৰ তাৰিখ পিছুওৱাৰ ব্যাপক চিন্তা-চৰ্চা চলি আছে ৷ ছবি মুক্তিৰ তাৰিখ পুনঃ নিৰ্ধাৰণ হ'ব লগা তালিকাখনৰ ভিতৰত অন্তৰ্ভুক্ত হ'ব ৰোহিত চেট্টীৰ সূৰ্যবংশী,কবীৰ খানৰ এইট্টি থ্ৰি আৰু কৰণ জোহৰৰ গুঞ্জন চক্সেনাঃদ্য কাৰ্গিল গাৰ্ল ৷
সূত্ৰৰ দ্বাৰা জানিব পৰা মতে,ৰোহিত চেট্টী,অক্ষয় কুমাৰ,কেটৰিণা কাঈফ অভিনীত পুলিচ ড্ৰামা সূৰ্যবংশীৰ নতুন তাৰিখ নিৰ্ধাৰণৰ বাবে চিন্তা-চৰ্চা চলাই আছে ছবি নিৰ্মাতাই ৷
কবীৰ খানৰ খেলধৰ্মী ছবি এইট্টি থ্ৰিৰ কথালৈ চালে,দীপিকা পাডুকন আৰু ৰণবীৰ সিঙ অভিনীত ছবিখনৰ মুক্তিৰ তাৰিখ ইতিমধ্যে পিছুওৱা হৈছে ৷ ছবিখনৰ ট্ৰেইলাৰত নিৰ্ধাৰণ কৰা তাৰিখ অনুসৰি ছবিখন বুধবাৰে মুক্তি পোৱাৰ কথা আছিল ৷ ছবি নিৰ্মাতাসকলে ছবিখনৰ মুক্তি অস্থায়ীভাৱে স্থগিত কৰাৰো চিন্তা-চৰ্চা চলাই আছে ৷
ইফালে কৰণ জোহৰৰ ধৰ্মা প্ৰডাকচন আৰু জি ষ্টুডিঅ'ৰ দ্বাৰা নিৰ্মিত গুঞ্জন ছাক্সেনাঃ দ্য কাৰ্গিল গাৰ্লৰ নতুন মুক্তিৰ তাৰিখ শীঘ্ৰেই ঘোষণা হোৱাৰ সম্ভাৱনা আছে ৷ অৱশ্যে এই কথাখিনি সন্দৰ্ভত ছবি নিৰ্মাতা সকলে অফিচিয়েলি একো ঘোষণা কৰা নাই ৷
লগতে পঢ়কঃকৰ'ণাভাইৰাছ আতংক : মাৰ্চ মাহত বন্ধ থাকিব কেৰালাৰ ছবিগৃহ
