চিটাৰা ডেস্ক, 5 ফ্ৰেব্ৰুৱাৰী : গংগুবাই কাথিয়াৱাড়ীত মুম্বাইৰ ৰেড লাইট এৰিয়াৰ বিখ্যাত পতিতা গংগুবাইৰ চৰিত্ৰৰে আলিয়া ভাটে লাভ কৰিছে যথেষ্ট প্ৰশংসা ৷
কৰীণা কাপুৰ খান
বলীউডৰ বেবো কৰীণাই দুখনকৈ ছবিত পতিতাৰ জীৱন জীয়াইছিল ৷ চামেলী আৰু তলাছ ত বেশ্যাৰ অভিনয়েৰে খুব প্ৰশংসা বুটলিবলৈ সক্ষম হৈছিল বলীউডৰ এইগৰাকী মোহময়ী অভিনেত্ৰী ৷
টাবু
টাবুয়ে চান্দনী বাৰ ছবিখনত পতিতাৰ অভিনয় কৰিছিল ৷ দৰ্শকে আকোৱালি লোৱা এই ছবিখনৰ বাবে টাবুয়ে লাভ কৰিছিল ৰাষ্ট্ৰীয় বঁটা ৷
হুমা কুৰেশ্বি
বৰুণ ধৱন আৰু য়ামী গৌতম অভিনীত বদলাপুৰত হুমা কুৰেশ্বিক এগৰাকী পতিতাৰ ৰূপত দেখা গৈছিল ৷ ছবিখনে বক্স অফিচত সফলতা লাভ কৰিছিল ৷
মাধুৰী দীক্ষিত
বলীউডৰ ধক-ধক গাৰ্ল মাধুৰী দীক্ষিতৰ ৰূপৰ চৰ্চা সদায় হৈ আহিছে ৷ মাধুৰীয়েও ৰূপায়ন কৰিছিল পতিতাৰ চৰিত্ৰ ৷ সঞ্জয় লীলা ভাঞ্চালীৰ চুপাৰহিট ছবি দেৱদাসত মাধুৰীয়ে পতিতা চন্দ্ৰমুখীৰ চৰিত্ৰৰে দৰ্শকৰ মন জিনিবলৈ সক্ষম হৈছিল ৷ মাধুৰী সেই সময়ত অন্তসত্বা আছিল ৷
ৰেখা
বলীউডৰ হাছিনা ৰেখাই উমৰাও জানত বেশ্যাৰ ৰূপত অভিনয় কৰিছিল ৷ আজিও ৰেখাৰ অনুৰাগীয়ে প্ৰশংসা কৰে সেইটো চৰিত্ৰৰ ৷ মুকদ্দৰ কা চিকণ্ডৰ আৰু আস্থা নামৰ ছবি দুখনতো ৰেখাই পতিতা হৈ অভিনয় কৰিছিল ৷
মীনা কুমাৰী
মীনা কুমাৰীয়ে পাকিজা ছবিখনত কৰা নাৰ্গিছ/সাহিবজানৰ পতিতাৰ চৰিত্ৰটো অমৰ হৈ ৰ’ব বলীউডত ৷
লগতে পঢ়ক: Alia Bhatt as Prostitute: পতিতাৰ অভিনয়েৰে প্ৰশংসিত হৈছে আলিয়া ভাট
