Into The Wild With Bear Grylls ত দেখা যাব অজয় দেৱগণক

শীঘ্ৰে Into The Wild With Bear Grylls ত দেখিবলৈ পোৱা যাব অভিনেতা অজয় দেৱগণক ৷ ইতিমধ্যে শ্বুটিঙৰ বাবে ৰাওনা হৈছে অভিনেতাগৰাকী ৷

চিটাৰা ডেস্ক, 13 ছেপ্তেম্বৰ : এইবাৰ বিয়াৰ গ্ৰিলছৰ সৈতে Into The Wild With Bear Grylls অনুষ্ঠানত একেলগে দুঃসাহসিক কাম কৰা দেখিবলৈ পোৱা যাব অভিনেতা অজয় দেৱগণক ৷ ইতিমধ্যে বিয়াৰ গ্ৰিলছৰ সৈতে এই অনুষ্ঠানত অংশ লৈছিল অভিনেতা অক্ষয় কুমাৰ আৰু থলাইভা ৰজনীকান্তক ৷ এই অনুষ্ঠানৰ জৰিয়তে গ্ৰিলছে বিশ্বৰ বিভিন্ন জনপ্ৰিয় লোকসকলৰ সৈতে ঘন হাবিৰ মাজত জীয়াই থকাৰ দক্ষতা পৰীক্ষা কৰে ৷

অজয় দেৱগণে গ্ৰিলছৰ সৈতে মালদ্বীপৰ অৰণ্যত এই অনুষ্ঠানৰ শ্বুটিং কৰিব বুলি জানিব পৰা গৈছে ৷ ইয়াৰ বাবে অজয়ে দেওবাৰে মালদ্বীপলৈ ৰাওনা হৈছে ৷ এই বাতৰিয়ে নেটিজেনসকলক যথেষ্ট উৎসাহী কৰি তুলিছে ৷

লগতে পঢ়ক : Bigg Boss OTT : শমিতাৰ সৈতে থকা সম্পৰ্কৰ বিষয়ে মুখ খুলিছে ৰাকেশে