চিৰাং, 25 আগষ্টঃ চিৰাঙত দ্বিতীয় বাৰৰ বাবে উদ্ধাৰ হয় দুটাকৈ বনৰীয়া হাতীৰ দাঁত । বনবিভাগ, আৰক্ষী আৰু এচ এচ বিৰ যৌথ অভিযানত হাতী দাঁত ব্যৱসায়ত জড়িত এজন লোকক আটক কৰিবলৈ সক্ষম হয় ।
চিৰাঙত হাতী দাঁত সহ এজন লোকক আটক বন বিভাগৰ
চিৰাং জিলা বন বিভাগ, এচ এচ বি আৰু আৰক্ষীৰ যৌথ অভিযানত ৰুণিখাতাৰ দৈমুগুৰীত পুনৰ হাতীৰ দাঁতৰ সৈতে এজনক লোক আটক কৰে ৷ ধৃত লোকজনৰ নাম জয়বাংলা বসুমতাৰী (৪৫) ৷ উল্লেখ্য যে, যোৱা ২৩ আগষ্টতটো জিলাখনৰ দাদগিৰিত বন বিভাগ আৰু আৰক্ষীৰ অভিযানত দুটা হাতী দাঁত সহ এজন লোকক আটক কৰিছিল ৷ ইতিমধ্যে ঘটনা সন্দৰ্ভত কেন্দ্ৰীয় বন্যপ্ৰাণী সুৰক্ষা বিভাগৰ সৈতে যোগাযোগ কৰি উপযুক্ত তদন্তৰ ব্যৱস্থা কৰিছে বুলি সাংবাদিকৰ আগত মন্তব্য কৰে চিৰাং জিলা বন সংমণ্ডল বিষয়া ব্ৰহ্মানন্দ পাতিৰীয়ে।
