লখিমপুৰ, 5 জুন : 2016 চনৰ পৰা বনবিভাগৰ চকুত ধুলি দি থকা এটা ম'ষ্ট ৱান্টেড গড় চিকাৰী ডি ডিক গ্ৰেপ্তাৰ কৰিলে লখিমপুৰ আৰক্ষীয়ে । জিলাখনৰ ঢলপুৰৰ পৰা আৰক্ষীয়ে গ্ৰেপ্তাৰ কৰিবলৈ সক্ষম হয় চিকাৰীটোক ৷
লখিমপুৰত গ্ৰেপ্তাৰ ম'ষ্ট ৱান্টেড গড় চিকাৰী
বিহপুৰীয়া আৰক্ষী থানাৰ ভাৰপ্ৰাপ্ত বিষয়া হিৰন্য পাটৰৰ নেতৃত্বত যোৱা অভিযানকাৰী দলে ধলপুৰৰ বৰা চুকৰ পৰা গ্ৰেপ্তাৰ কৰে মুহিকান্ত হাজৰিকা ওৰফে ডি ডিক । 2016 চনত কাজিৰঙা ৰাষ্ট্ৰীয় উদ্যানত বহুকেইটা গড় হত্যাত জড়িত আছিল ডি ডি । 5 জনীয়া এটা চোৰাং চিকাৰী দলৰ নেতৃত্বত আছিল মুহিকান্ত ওৰফে ডি ডি ৷ ইতিমধ্যে মুহিকান্তক গ্ৰেপ্তাৰৰ পিছতে বিহপুৰীয়া আৰক্ষীৰ পৰি নিজৰ জিম্মাত ল'বলৈ বিহপুৰীয়ালৈ ৰাওনা হৈছে কাজিৰঙাৰ বনবিভাগৰ দল ৷
