নগাওঁ, 15 জুন : নগাঁৱত আৰক্ষীৰ অভিযান । এগৰাকী এপিএছ বিষয়াৰ নেতৃত্বত পৃথকে পৃথকে চলা অভিযানত জব্দ হয় কেঁকোসাপ, ব্ৰাউন চুগাৰ আৰু বৃহৎ পৰিমাণৰ গাঞ্জাসহ বিভিন্ন নিচাজাতীয় সামগ্ৰী । আৰক্ষীৰ অভিযানত আটক হয় দুই সৰবৰাহকাৰীও ।
দেশজুৰি চলি আছে আনলক 1 । কোভিড-19ক লৈ সৰ্বত্ৰে এক আতংকময় পৰিবেশ । তাৰ মাজতে একাংশই অব্যাহত ৰাখিছে বিভিন্ন নিষিদ্ধ ব্যৱসায় । দেওবাৰে অপৰাধীৰ বিৰুদ্ধে নগাওঁ আৰক্ষীয়ে চলালে কেবাটাও সফল অভিযান । প্ৰথমে আনন্দ নগৰত অভিযান চলাই আৰক্ষীয়ে জব্দ কৰে এটা কেঁকোসাপৰ লগতে বৃহৎ পৰিমাণৰ ব্ৰাউন চুগাৰ । নগাওঁ আৰক্ষীৰ বিশেষ শাখাৰ উপ আৰক্ষী অধীক্ষক কল্যান কুমাৰ দাস আৰু ইটাচালি আৰক্ষী আৰক্ষী চকীৰ ভাৰপ্ৰাপ্ত বিষয়া পৰমেন্দৰ সিঙৰ নেতৃত্বত চলা অভিযানত আটক হয় সৰবৰাহকাৰী শ্বৰীফুল হুছেইন । একেদিনাই নগাঁৱৰ মোৱামাৰী অঞ্চলত অভিযান চলাই বৃহৎ পৰিমাণৰ গাঞ্জাৰ লগতে নিচাজাতীয় ঔষধসহ আটক কৰে জহিৰুল ইছলাম নামৰ আন এটা ড্ৰাগছ মাফিয়াক ।
লগতে পঢ়কঃ অন্তঃসত্বা কন্যাৰ ওপৰত চলা অত্যাচাৰ সহিব নোৱাৰি পিতৃৰ আত্মহত্যা
