মৰিগাওঁ, 5 আগষ্ট : আত্মসহায়ক গোটৰ কিস্তি দিবলৈ গৈ ৰহস্যজনকভাৱে মবাইল অফ কৰি তিনিদিন ধৰি শুংসুত্ৰ নাই এহাল মাতৃপুত্ৰৰ । ঘটনা সন্দৰ্ভত ইতিমধ্যেই দাখিল কৰা হৈছে এজাহাৰ ।
মৰিগাঁও বহাবৰপাক গাঁৱৰ পৰা এটি দুবছৰীয়া সন্তান সহ মাতৃ নিখোজ হোৱাৰ ঘটনা পোহৰলৈ আহিছে । ঘটনাৰ বিৱৰণী মতে মৰিগাঁও জিলাৰ মায়ং আৰক্ষী থানাৰ অন্তৰ্গত বৰপাক গাঁৱৰ নিবাসী সমীৰ দাসৰ পত্নী লক্ষ্মীৰাণী দাসে বিগত 1আগষ্টত ওচৰৰ দীপ্ৰাঙত গোটৰ নিয়মীয়া কিস্তি দিবলৈ যায় । সন্ধিয়ালৈকে ঘৰলৈ ঘুৰি নহাত ওচৰ চুবুৰীয়াৰ লগতে আত্মীয় ঘৰত বিচাৰ খোচাৰ কৰি বিফল হয় । উপায়ন্তৰ হৈ স্বামী তথা পৰিয়ালে মায়ং আৰক্ষী থানাত দাখিল কৰিছে এজাহাৰ ।
এজাহাৰত উল্লেখ কৰা মতে 24বছৰীয়া বোৱাৰী গৰাকী পিন্ধনত হালধীয়া শাৰী আছিল । মিঠা বৰণীয়া এই গৰাকী বোৱাৰী ওখ 5/6"। মনকৰিবলগীয়া যে ঘৰৰ পৰা যোৱা সময়ত নগদ ১০,০০০/- টকা আৰু বোৱাৰী গৰাকীৰ নিজা নথিপত্ৰ লগত নিয়াত সৃষ্টি হৈছে ৰহস্যৰ । আনহাতে বোৱাৰী গৰাকী লগত থকা মবাইল 9564833390 নম্বৰটো চুইটছ অফ হৈ আছে । এই গৰাকী বোৱাৰী আৰু কণমাণিটোৰ সন্ধান পালে ওচৰৰ আৰক্ষীক খবৰ দিবলৈ পৰিয়ালে আহ্বান জনাইছে ।
লগতে পঢ়কঃ শোণিতপুৰৰ ভৰাশিঙৰীত দুটা ফৈদৰ সংঘৰ্ষঃ জ্বলিল কেবাখনো বাহন
