তিনিচুকীয়াত গুলীচালনাৰ ঘটনাত জড়িত ৰমেন মৰাণক আটক

যোৱা ৪ অক্টোবৰত জকাইচুক গাঁৱত ৰমেন মৰাণ নামৰ লোকজনক গুলীয়াই পলায়ন কৰা জিতুল মৰাণক বৃহস্পতিবাৰে আৰক্ষীয়ে আটক কৰে ৷ পেটত গুলীবিদ্ধ হৈ থকা জিতুল মৰাণ বৰ্তমানেও চিকিৎসাধীন হৈ আছে ডিব্ৰুগড় চিকিৎসা মহাবিদ্যালয়ত ৷

তিনিচুকীয়া,10অক্টোবৰঃ তিনিচুকীয়াৰ বাঘজান থানাৰ অন্তৰ্গত জকাইচুকত গুলীচালনাৰ ঘটনাত জড়িত ৰমেন মৰাণক আটক বাঘজান আৰক্ষীৰ ৷ যোৱা ৪ অক্টোবৰৰ সন্ধিয়া ৰমেন মৰাণ নামৰ লোকজনে একেগাঁৱৰে জিতুল মৰাণ নামৰ লোকজনক নিজ গৃহতে গুলীয়াই পলায়ন কৰিছিল ৷ পাচত পেটত গুলীবিদ্ধ জিতুল মৰাণক ডিব্ৰুগড় চিকিৎসা মহাবিদ্যালয়ত ভৰ্তি কৰা হৈছিল ৷

ইপিনে পেটত গুলীবিদ্ধ হোৱা জিতুল মৰাণ বৰ্তমানেও চিকিৎসাধীন হৈ আছে ডিব্ৰুগড় চিকিৎসা মহাবিদ্যালয়ত ৷ উল্লেখ্য যে ৰমেন মৰাণ আৰু গুলীবিদ্ধ জীতুল মৰাণে বহু দিনৰ পৰা অঞ্চলটোত অসামাজিক কাৰ্য সংঘটিত কৰি অহাৰ আছে বিভিন্ন অভিযোগ ৷ অভিযোগ অনুসৰি তেওঁলোকৰ মাজত অসামাজিক কাৰ্যৰ দ্বাৰা আৰ্জিত ধনৰ লেনদেন সংক্ৰান্তত মনোমালিন্য হোৱাৰ ফলতে এই গুলীচালনাৰ ঘটনা সংঘটিত হৈছিল ৷

অভিযুক্ত জিতুল মৰাণ

• অধিক পঢ়কঃ তিনিচুকীয়াত গুলীচালনা; আহত 1 জন