ছয়গাঁও, 16 মে’: এই চাঞ্চল্যকৰ ঘটনা সংঘটিত হৈছে ছয়গাঁৱৰ শিঙিমাৰী অঞ্চলত ৷ পথৰ কাষেৰে গৈ থাকোতেই 5জনীয়া এটা দুৰ্বৃত্তৰ দলে মেছেৰ আলী আৰু ইন্তাজ আলী নামৰ দুয়োগৰাকী বন্ধুকে এখন টাটা ইণ্ডিকা বাহনেৰে অপহৰণ কৰি নিয়ে ৷ যুৱক দুজনৰ ঘৰ জোৰশিমুলিৰ পুৰানকুচীয়া অঞ্চলত ৷
অপহৰণকাৰীৰ কবলৰ পৰা সাৰি আহিল জোৰশিমুলিৰ মেছেৰ আলী
বাহনৰ ভিতৰতে ইন্তাজ আলীক দুৰ্বৃত্তৰ দলটোৱে চুৰিকাঘাট কৰা প্ৰত্যক্ষ কৰিছিল মেছেৰ আলীয়ে ৷ অপহৰণকাৰীয়ে মেছেৰ আলীকো আক্ৰমণ কৰাৰ চেষ্টা কৰিছিল যদিও কিবাকৈ দুৰ্বৃত্তৰ কবলৰ পৰা হাত সাৰি আহে যুৱকজন ৷ ইফালে, ঘটনাৰ সন্দৰ্ভত গৰৈমাৰী আৰক্ষীয়ে তদন্ত অব্যাহত ৰাখিছে যদিও মেছেৰ আলীৰ বন্ধু ইন্তাজ আলী এতিয়াও সন্ধান উলিয়াব পৰা নাই আৰক্ষীয়ে ৷ দুৰ্বৃত্তৰ আক্ৰমণত আঘাতপ্ৰাপ্ত মেছেৰ আলীক সম্প্ৰতি গৰৈমাৰী সামুহিক স্বাস্থ্য কেন্দ্ৰত ভৰ্তি কৰোৱা হৈছে ৷
