ইণ্টাৰনেশ্যনেল ডেস্ক,১৫ জুলাই : আমেৰিকা আৰু ভাৰতৰ সম্পৰ্ক অধিক শক্তিশালী কৰাৰ উদ্দেশ্যে দুয়োখন দেশৰ মাজত বিভিন্ন ধৰণৰ পদক্ষেপ গ্ৰহণ কৰা হৈছে । চীনৰ দৰে একাংশ শত্ৰু ৰাষ্ট্ৰৰ পৰা ভাৰতক ৰক্ষা কৰিবলৈও বহু পদক্ষেপ লোৱা দেখা গৈছে আমেৰিকাক । এইবাৰ আমেৰিকা যুক্তৰাষ্ট্ৰৰ প্ৰতিনিধি সভাই গ্ৰহণ কৰিছে গুৰুত্বপূৰ্ণ সিদ্ধান্ত । CAATSA আইনৰ শাস্তিমূলক নিষেধাজ্ঞাৰ পৰা ভাৰতীয়সকলক ৰেহাই দিয়াৰ এক সিদ্ধান্ত গ্ৰহণ কৰি আমেৰিকাৰ প্ৰতিনিধি সভাই এক বিশেষ সংশোধনী আইন গৃহীত কৰে (US House approves amendment on CAATSA waiver to India)।
ভাৰতীয়মূলৰ আমেৰিকান কংগ্ৰেছ সদস্য ৰ' খান্নাৰ দ্বাৰা ৰচনা কৰা আৰু প্ৰৱৰ্তন কৰা এই সংশোধনী আইনত বিডেন প্ৰশাসনক চীনৰ দৰে আক্ৰমণকাৰীক বাধা দিয়াত সহায় কৰিবলৈ ভাৰতক প্ৰতিৰোধী আমেৰিকাৰ বিৰোধীসকলক নিষেধাজ্ঞা আইনৰ পৰা ৰেহাই প্ৰদান কৰিবলৈ আহ্বান জনোৱা হৈছে । ৰাষ্ট্ৰীয় প্ৰতিৰক্ষা কৰ্তৃত্ব আইনৰ মজিয়াত বৃহস্পতিবাৰে এই সংশোধনী আইন গৃহীত কৰা হয় । ৰ' খান্নাই এই সম্পৰ্কত কয় যে চীনৰ পৰা বৰ্ধিত আক্ৰমণৰ সন্মুখীন হোৱা ভাৰতৰ সৈতে আমেৰিকা যুক্তৰাষ্ট্ৰ থিয় দিব লাগিব (Congressman Ro Khanna on CAATSA waiver)।
তেওঁ উল্লেখ কৰা মতে ইণ্ডিয়া ককাচৰ উপাধ্যক্ষ হিচাপে, তেওঁ দুয়োখন দেশৰ মাজৰ অংশীদাৰীত্ব শক্তিশালী কৰিবলৈ আৰু ভাৰত চীনৰ সীমান্তত ভাৰতে যাতে নিজকে ৰক্ষা কৰিব পাৰে সেয়া নিশ্চিত কৰিবলৈ কাম কৰি আছে । তেওঁ কয় যে এই সংশোধনী আইন অতি গুৰুত্বপূৰ্ণ আৰু দ্বিপক্ষীয় ভিত্তিত সদনত গৃহীত হোৱা দেখি তেওঁ গৌৰৱান্বিত ।
সদনৰ মজিয়াত তেওঁ ভাষণ প্ৰসংগত কয় যে আমেৰিকা যুক্তৰাষ্ট্ৰৰ কৌশলগত স্বাৰ্থৰ ক্ষেত্ৰত আমেৰিকা-ভাৰত অংশীদাৰীত্বতকৈ অধিক গুৰুত্বপূৰ্ণ কোনো সম্পৰ্ক নাই । আইনখনত কোৱা হৈছে যে কৃত্ৰিম বুদ্ধিমত্তা, কোৱাণ্টাম কম্পিউটিং, জৈৱ প্ৰযুক্তি, এৰ'স্পেচ আৰু অৰ্ধপৰিবাহী উৎপাদনৰ শেহতীয়া অগ্ৰগতিৰ মোকাবিলা কৰাৰ বাবে দুয়োখন দেশৰ চৰকাৰ, শিক্ষা আৰু উদ্যোগৰ মাজত ঘনিষ্ঠ অংশীদাৰীত্ব বিকশিত কৰাৰ বাবে আমেৰিকা যুক্তৰাষ্ট্ৰ-ভাৰত উদ্যোগ (ICET) হৈছে এক আদৰণীয় আৰু অপৰিহাৰ্য পদক্ষেপ ।
অভিযন্তা আৰু কম্পিউটাৰ বিজ্ঞানীসকলৰ মাজত এনে সহযোগিতা আমেৰিকা যুক্তৰাষ্ট্ৰ আৰু ভাৰতৰ লগতে বিশ্বৰ অন্যান্য ৰাষ্ট্ৰসমূহে উদ্ভাৱন বৃদ্ধি কৰা আৰু প্ৰযুক্তিগত উন্নতিৰ সুবিধা প্ৰদান কৰাত সহায় কৰাৰ বাবে অতি গুৰুত্বপূৰ্ণ ।
লগতে পঢ়ক :Zelensky on SriLanka crisis: শ্ৰীলংকাৰ সংকটৰ বাবে ৰাছিয়াক দায়ী জেলেনস্কিৰ
