নিউজ ডেস্ক, ১৭ আগষ্ট : ২০০৮ চনৰ মুম্বাই সন্ত্ৰাসবাদী আক্ৰমণত জড়িত থকা এজন অভিযুক্তৰ ভাৰতলৈ প্ৰত্যাৰ্পণ নকৰাৰ বাবে কৰা আবেদন নাকচ কৰিছে আমেৰিকাৰ এখন আদালতে । আমেৰিকা যুক্তৰাষ্ট্ৰৰ আদালতখনে পাকিস্তানী বংশোদ্ভৱ কানাডিয়ান ব্যৱসায়ী তাহাউৰ ৰাণাই দাখিল কৰা হেবিয়াছ কৰ্পাছৰ লেখ আবেদন অস্বীকাৰ কৰিছে । যাৰ ফলত আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিংকেনে তেওঁক ভাৰতলৈ প্ৰত্যাৰ্পণ কৰাৰ বাবে প্ৰমাণপত্ৰ জাৰি কৰাৰ পথ প্ৰশস্ত কৰিছে ।
উল্লেখ্য যে ২৬/১১-ৰ মুম্বাই আক্ৰমণৰ অপৰাধীসকলক আদালতৰ কাঠগড়াত থিয় কৰোৱাৰ বাবে ভাৰতৰ যুঁজৰ এক ডাঙৰ বিজয়ত আমেৰিকা যুক্তৰাষ্ট্ৰৰ এখন আদালতে মে' মাহত ৬২ বছৰীয়া ৰাণাক ভাৰতলৈ প্ৰত্যাৰ্পণৰ অনুমোদন জনায় ।
চলিত বৰ্ষৰ জুন মাহত লছ এঞ্জেলছৰ মেট্ৰ'পলিটান ডিটেনচন চেণ্টাৰত বন্দী হৈ থকা ৰাণাই আদালতৰ আদেশক প্ৰত্যাহ্বান জনাই হেবিয়াছ কৰ্পাছৰ এখন ৰিট দাখিল কৰে, য'ত আমেৰিকা চৰকাৰৰ অনুৰোধ মানি লয় যে ২০০৮ চনৰ মুম্বাই সন্ত্ৰাসবাদী আক্ৰমণৰ অভিযুক্তসকলক ভাৰতলৈ প্ৰত্যাৰ্পণ কৰা হ'ব ।
আমেৰিকা যুক্তৰাষ্ট্ৰৰ কেলিফ'ৰ্ণিয়াৰ কেন্দ্ৰীয় জিলাৰ ন্যায়াধীশ ডেল এছ ফিচাৰে ১০ আগষ্টত তেওঁৰ আদেশত লিখিছে, আদালতে পৃথক আদেশৰ দ্বাৰা হাবিয়াছ কৰ্পাছৰ ৰিটৰ বাবে তাহাউৰ ৰাণাৰ আবেদন অস্বীকাৰ কৰিছে । অৱশ্যে ৰাণাই আদেশটোৰ বিৰুদ্ধে আপীল দাখিল কৰিছে আৰু নৱম চাৰ্কিট আদালতত তেওঁৰ আপীলৰ শুনানি নোহোৱালৈকে তেওঁৰ ভাৰতলৈ প্ৰত্যাৰ্পণৰ ওপৰত স্থগিতাদেশ বিচাৰিছে ।
উল্লেখ্য যে, ৰাণাই মুম্বাই আক্ৰমণত তেওঁৰ ভূমিকাৰ বাবে অভিযোগৰ সন্মুখীন হৈছে । আনহাতে, ২৬/১১-ৰ মুম্বাই আক্ৰমণৰ অন্যতম মুখ্য ষড়যন্ত্ৰকাৰী পাকিস্তানী-আমেৰিকান সন্ত্ৰাসবাদী ডেভিদ কোলমেন হেডলীৰ সৈতে তেওঁ জড়িত বুলি জনা যায় । বিচাৰক ফিচাৰে তেওঁৰ আদেশত কৈছে যে ৰাণাই ৰিটত মাত্ৰ দুটা মৌলিক যুক্তি দিছে ।
প্ৰথমতে তেওঁ দাবী কৰে যে, চুক্তি অনুসৰি তেওঁক প্ৰত্যাৰ্পণ কৰিব নোৱাৰি । কিয়নো ভাৰতে তেওঁৰ বিৰুদ্ধে একেটা কামৰ বাবে গোচৰ চলাবলৈ পৰিকল্পনা কৰিছে, যাৰ বাবে তেওঁক আমেৰিকা যুক্তৰাষ্ট্ৰৰ আদালতত অভিযুক্ত কৰা হৈছিল আৰু নিৰ্দোষী সাব্যস্ত কৰা হৈছিল । দ্বিতীয়তে, তেওঁ যুক্তি দিয়ে যে চৰকাৰে এইটো প্ৰতিষ্ঠা কৰা নাই যে, ৰাণাই ভাৰতীয় অপৰাধ সংঘটিত কৰিছে বুলি বিশ্বাস কৰাৰ সম্ভাৱ্য কাৰণ আছে যাৰ বাবে তেওঁ বিচাৰৰ সন্মতি দিব বুলি আশা কৰা হৈছে । ন্যায়াধীশগৰাকীয়ে কয় । তেওঁ ৰাণাৰ দুয়োটা যুক্তি অস্বীকাৰ কৰে ।
লগতে পঢ়ক :Church vandalised in Pakistan: পাকিস্তানত গীৰ্জাঘৰত আক্ৰমণ, উদ্বিগ্ন আমেৰিকা
