নিউজ ডেস্ক, 10 মাৰ্চ: উত্তৰ জাৰ্মানীৰ হামবাৰ্গ চহৰত বৃহস্পতিবাৰে সন্ধিয়া এটা অট্টালিকাৰ ভিতৰত গুলীচালনাৰ ঘটনা সংঘটিত হয় ৷ জেহোৱাৰ সাক্ষীসকলে ব্যৱহাৰ কৰা অট্টালিকাটোত সংঘটিত এই গুলীচালনাৰ ঘটনাত কেবাজনো লোক নিহত আৰু আহত হয় বুলি আৰক্ষীয়ে জনায় । জাৰ্মানীৰ দ্বিতীয় বৃহত্তম চহৰখনৰ গ্ৰছ বৰ্ষ্টেল জিলাত সংঘটিত হোৱা গুলীচালনাৰ বিষয়ে আৰক্ষীৰ মুখপাত্ৰ হোলগাৰ ভেহৰেনে কয় যে, আমি মাত্ৰ জানো যে ইয়াত কেইবাজনো লোকৰ মৃত্যু হৈছে; কেইবাজনো লোক আহত হৈছে, তেওঁলোকক চিকিৎসালয়লৈ লৈ যোৱা হৈছে ।’’ (Germany gun shooting)
আহতসকলৰ আঘাতৰ ভয়াৱহতাৰ কোনো তথ্য তেওঁৰ হাতত নাই বুলিও তেওঁ কয় আৰক্ষী বিষয়াগৰাকীয়ে । কোনো সূত্ৰৰ নাম উল্লেখ নকৰা জাৰ্মান সংবাদ মাধ্যমে ছয়-সাতজনৰ মৃত্যু হোৱা বুলি সম্প্ৰচাৰ কৰা বাতৰিক নিশ্চিত কৰা নাই আৰক্ষীয়ে । গুলীচালনাৰ ঘটনাটো ঘটিছিল এখন অটো মেৰামতি কৰা দোকানৰ কাষতে থকা এটা আধুনিক আৰু বক্সী তিনিমহলীয়া অট্টালিকা, জিহোৱাৰ সাক্ষী কিংডম হলত ।
ভেহৰেনে কয় যে, আৰক্ষীক গুলীচালনাৰ বিষয়ে সতৰ্ক কৰি দিয়া হৈছিল নিশা প্ৰায় ৯:১৫ বজাত ৷ খবৰ পায়েই আৰক্ষী ততাতৈয়াকৈ সেই স্থানত উপস্থিত হৈছিল । তেওঁ কয় যে, বিষয়াসকলে আহি তলৰ মহলাত গুলীৰ আঘাতত আহত হোৱা লোকক পোৱাৰ পিচত ওপৰৰ মহলাৰ পৰা গুলীৰ শব্দ শুনা পায় ৷ ওপৰৰ মহলাত এজন গুৰুতৰভাৱে আহত ব্যক্তিক উদ্ধাৰ কৰে যিজন হয়তো গুলীচালনাকাৰী আছিল । তেওঁ কয় যে, আৰক্ষীয়ে তেওঁলোকৰ আগ্নেয়াস্ত্ৰ ব্যৱহাৰ কৰিবলগীয়া নহ’ল (German Hamburg Church shootout)।
ভেহৰেনে আৰু কয় যে, গুলীচালনাকাৰী পলায়ন কৰাৰ কোনো ইংগিত পোৱা নাই ৷ অপৰাধীজন হয়তো অট্টালিকাটোত নহ’লে মৃতকৰ মাজত থকাৰ সম্ভাৱনা দেখা গৈছে । শুকুৰবাৰে পুৱাৰ ভাগত আৰক্ষীয়ে কয় যে, তেওঁলোকে এতিয়াও পৰীক্ষা কৰি আছে যে ইয়াৰ লগত আৰু কোনো অপৰাধী জড়িত ।
ওচৰতে বাস কৰা এগৰাকী ছাত্ৰী ল’ৰা বাউচে কয়, “প্ৰায় চাৰিবাৰ গুলীচালনা হৈছিল ৷” জাৰ্মান সংবাদ সংস্থা DPA এ এই কথা প্ৰকাশ কৰিছে । মোটামুটিভাৱে ২০ ছেকেণ্ডৰ পৰা এক মিনিটৰ ব্যৱধানত এই সময়ছোৱাত সদায় কেইবাটাও গুলীচালনা হৈছিল বুলি ছাত্ৰীগৰাকীয়ে লগতে কয় ৷ বাউচে খিৰিকীৰে বাহিৰলৈ চাই দেখিলে যে, এজন ব্যক্তিয়ে তলৰ মহলাৰ পৰা জিহোৱাৰ সাক্ষী হলৰ দ্বিতীয় মহলালৈ দৌৰি আহিছে । অট্টালিকাটোৰ দৃষ্টিগোচৰ হোৱাৰ ভিতৰতে বাস কৰা গ্ৰেগৰ মিছবাক গুলীৰ শব্দত সতৰ্ক হৈ পৰে আৰু তেওঁ খিৰিকীৰে অট্টালিকাটোত প্ৰৱেশ কৰা কোনো লোকৰ দৃশ্যগ্ৰহণ কৰে । তাৰ পিচত ভিতৰৰ পৰা গুলীৰ শব্দ শুনা যায় । পিচত আপাত দৃষ্টিত এই লোকজন হলৰ পৰা ওলাই আহে ৷ লোকজন চোতালত থকা অৱস্থাত ভিতৰত আকৌ গুলীচালনা হয় (German Church shooting update) ।
লগতে পঢ়ক: Water on Earth may be older than our Sun : পৃথিৱীৰ পানী সূৰ্যতকৈও পুৰণি !
জিহোৱাৰ সাক্ষীসকল ১৯ শতিকাত আমেৰিকাত প্ৰতিষ্ঠা হোৱা আন্তঃৰাষ্ট্ৰীয় গীৰ্জাৰ অংশ আৰু নিউয়ৰ্কৰ ৱাৰউইকত ইয়াৰ মুখ্য কাৰ্যালয় আছে ৷ ইয়াৰ বিশ্বব্যাপী সদস্যৰ সংখ্যা প্ৰায় ৮৭ লাখ, জাৰ্মানীত প্ৰায় ১ লাখ ৭০ হাজাৰ । সদস্যসকলে তেওঁলোকৰ সদ্বাণী প্ৰচাৰৰ প্ৰচেষ্টাৰ বাবে পৰিচিত য’ত দুৱাৰে দুৱাৰে গৈ তথা ৰাজহুৱা চৌহদত শিক্ষা-সাহিত্য বিলোৱা আদি কাৰ্য অন্তৰ্ভুক্ত । এই ধৰ্মগোষ্ঠীৰ স্বকীয় প্ৰথাসমূহৰ ভিতৰত অস্ত্ৰ বহন কৰিবলৈ অস্বীকাৰ কৰা, তেজ সঞ্চালন কৰা, ৰাষ্ট্ৰীয় পতাকাক চেলুট দিয়া বা ধৰ্মনিৰপেক্ষ চৰকাৰত অংশগ্ৰহণ কৰা আদি অন্তৰ্ভুক্ত ।
(এই বাতৰিটো অটোজেনেৰেটেড ছিণ্ডিকেটেড ফিডৰ পৰা প্ৰকাশ কৰা হৈছে আৰু ইটিভি ভাৰতৰ কৰ্মচাৰীয়ে সম্পাদনা কৰা নাই) (AP)
