নিউজ ডেস্ক, ১৮ জানুৱাৰী : মাইক্ৰ'ছফ্টে আজি হাজাৰ হাজাৰ কৰ্মচাৰীক ছাটাই কৰিবলৈ সাজু হৈছে (Microsoft to lay off thousands of employees) । স্কাই নিউজৰ (Sky News) উদ্ধৃতি দি ৰয়টাৰ্ছে (Reuters) দিয়া প্ৰতিবেদন অনুসৰি হাজাৰ হাজাৰ কৰ্মচাৰীৰ চাকৰি কৰ্তন কৰা হ'ব । বিশ্বৰ সৰ্ববৃহৎ ছফ্টৱেৰ কোম্পানীটোৱে (software giant Microsoft) ইয়াৰ কৰ্মশক্তিৰ প্ৰায় ৫ শতাংশ অৰ্থাৎ প্ৰায় ১১,০০০ চাকৰি হ্ৰাস কৰিব বিচাৰিছে ।
বুধবাৰে মানৱ সম্পদ আৰু অভিযান্ত্ৰিক বিভাগত হাজাৰ হাজাৰ চাকৰি কৰ্তনৰ সম্ভাৱনা আছে । এই ছাটাই হ'ব আমেৰিকা যুক্তৰাষ্ট্ৰৰ প্ৰযুক্তি খণ্ডত শেহতীয়া ছাটাই । ইতিমধ্যে Amazon.com আৰু মেটা প্লেটফৰ্মকে (Meta Platforms) ধৰি কোম্পানীবোৰে নিজৰ চাহিদা হ্ৰাস হোৱা আৰু বিশ্বব্যাপী অৰ্থনৈতিক দৃষ্টিভংগীৰ অৱনতিৰ প্ৰতিক্ৰিয়াস্বৰূপে ছাটাই কাৰ্য ঘোষণা কৰিছে ।
তথ্য অনুসৰি কোম্পানীটোত 221,000 পূৰ্ণকালীন কৰ্মচাৰী আছে । ইয়াৰে ভিতৰত আমেৰিকা যুক্তৰাষ্ট্ৰত 122,000 আৰু আন্তৰ্জাতিকভাৱে 99,000 কৰ্মচাৰী । ব্যক্তিগত কম্পিউটাৰ বজাৰৰ কেইবা চতুৰ্মাসিকত মন্দাৱস্থাই উইণ্ড'ছ আৰু ডিভাইচৰ বিক্ৰীত আঘাত হনাৰ পিছত মাইক্ৰ'ছফ্টে ইয়াৰ ক্লাউড ইউনিট এজুৰত (cloud unit Azure) বিকাশৰ হাৰ বৰ্তাই ৰখাৰ বাবে যথেষ্ট চাপত আছে (Microsoft under pressure to maintain growth rates) বুলি ৰয়টাৰ্ছৰ প্ৰতিবেদনত প্ৰকাশ ।
প্ৰতিবেদনত বিগত বছৰৰ জুলাই মাহত কোৱা হৈছিল যে কম সংখ্যক চাকৰি কৰ্তন কৰা হৈছে । অক্টোবৰত বাতৰি ছাইট এক্সিঅছে (news site Axios) প্ৰতিবেদন দিছিল যে মাইক্ৰ'ছফ্টে কেইবাটাও বিভাগত প্ৰায় 1,000 কৰ্মচাৰী ছাটাই কৰিছিল । ২৪ জানুৱাৰীত ত্ৰৈমাসিক ফলাফল প্ৰতিবেদন কৰিবলৈ সাজু হোৱা মাইক্ৰ'ছফ্টৰ শ্বেয়াৰ বিয়লিৰ শেষৰ ফালে হোৱা ব্যৱসায়ত সামান্য বেছি আছিল । ৰয়টাৰৰ প্ৰতিবেদনত প্ৰকাশ ।
মাইক্ৰ'ছফ্টৰ পদক্ষেপে এইটো ইংগিত দিব পাৰে যে প্ৰযুক্তি খণ্ডই চাকৰি কৰ্তন কৰাটো অব্যাহত ৰাখিব পাৰে । মাইক্ৰ'ছফ্ট হৈছে এক প্ৰত্যাহ্বানমূলক অৰ্থনীতিৰ সন্মুখীন হোৱা শেহতীয়া ডাঙৰ প্ৰযুক্তি কোম্পানী আৰু মাইক্ৰ'ছফ্টে এক নতুন সীমাহীন সময় বন্ধনী আঁচনি ৰূপায়ণ কৰাৰ কেইদিনমান পিছতে চাকৰি কৰ্তন হ'ব । অব্যৱহৃত vacation balance থকা মাইক্ৰ'ছফ্ট কৰ্মচাৰীসকলে এপ্ৰিলত এবাৰতে তাৰ মূল্য পাব আৰু মেনেজাৰসকলে সীমাহীন "Discretionary Time Off" অনুমোদন কৰিবলৈ সক্ষম হ'ব ।
মাইক্ৰ'ছফ্টৰ মুখ্য কাৰ্যবাহী বিষয়া সত্য নাডেলাই (Microsoft CEO Satya Nadella) প্ৰযুক্তি উদ্যোগৰ বাবে দুবছৰৰ প্ৰত্যাহ্বানৰ বিষয়ে সতৰ্ক কৰাৰ কেইসপ্তাহমানৰ পিছতে এই চাকৰি কৰ্তনসমূহ আহিছে । চিএনবিচিৰ (CNBC) সৈতে এক সাক্ষাৎকাৰত নাডেলাই স্বীকাৰ কৰিছিল, মাইক্ৰ'ছফ্ট 'বিশ্বব্যাপী পৰিৱৰ্তনৰ পৰা মুক্ত' নহয় আৰু প্ৰযুক্তি কোম্পানীবোৰ দক্ষ হোৱাৰ প্ৰয়োজনীয়তাৰ কথাও কয় । "পৰৱৰ্তী দুটা বছৰ সম্ভৱতঃ আটাইতকৈ প্ৰত্যাহ্বানজনক হ'ব ।" নাডেলাই কয় ।
"মহামাৰীৰ সময়ত আমাৰ যথেষ্ট ত্বৰান্বিত হৈছিল আৰু সেই চাহিদাৰ কিছু পৰিমাণ স্বাভাৱিক হৈছে । আৰু ইয়াৰ উপৰি বিশ্বৰ কিছুমান ঠাইত এক প্ৰকৃত মন্দাৱস্থা আছে ।" নাডেলাই লগতে কয় ।
লগতে পঢ়ক :Arnamai Murder Case: আৰক্ষীক তীব্ৰ সমালোচনা প্ৰাক্তন আইজিপি ভায়লেট বৰুৱাৰ
