নিউজ ডেস্ক, 10 মাৰ্চ: পাকিস্তানৰ বৈদেশিক মন্ত্ৰীয়ে বৃহস্পতিবাৰে কয় যে, তেওঁৰ দেশখনে সমস্যাৰ “এটা নিখুঁত ধুমুহা”ৰ সন্মুখীন হৈছে ৷ অৰ্থনৈতিক সংকট, বিপৰ্যয়জনক বানৰ পৰিণতি আৰু তালিবানে আফগানিস্তান দখল কৰাৰ ফলত “আকৌ এবাৰ সন্ত্ৰাসবাদে ভয়ংকৰভাৱে মূৰ তুলি উঠিছে” । আততায়ীয়ে হত্যা কৰা দেশখনৰ প্ৰাক্তন প্ৰধানমন্ত্ৰী বেনজিৰ ভুট্টোৰ ৩৪ বছৰীয়া পুত্ৰ বিলোৱাল ভুট্টো জৰ্দাৰীয়ে দ্য এছ’চিয়েটেড প্ৰেছৰ সৈতে হোৱা এক সাক্ষাৎকাৰত কয় যে, আন দেশৰ দৰে পাকিস্তানতো ‘হাইপাৰ-পাৰ্টিচান আৰু হাইপাৰ-প’লাৰাইজড ৰাজনীতি’য়ে আগুৰি ধৰিছে ৷"
তীব্ৰ আৰ্থিক সংকটত ভোগা দেশখনৰ আৰ্থিক সহায়ৰ প্ৰচুৰ প্ৰয়োজনীয়তাৰ বিষয়ে আলোচনা কৰি তেওঁ আন্তঃৰাষ্ট্ৰীয় মুদ্ৰা নিধিক তীব্ৰ সমালোচনা কৰে ৷ যোৱা মাহত ২০১৯ চনৰ চুক্তিৰ চৰ্তসমূহ পূৰণ কৰিব নোৱাৰাৰ বাবে পাকিস্তানে ৬ বিলিয়ন ডলাৰৰ বেইলআউটত বিলম্ব ঘটাইছিল । সেই ব্যৰ্থতাৰ বাবে চৰকাৰে দোষাৰোপ কৰে প্ৰাক্তন প্ৰধানমন্ত্ৰী ইমৰাণ খানক, যি এতিয়া বিৰোধী নেতা (Pakistan in perfect storm of crises)।
চৰকাৰী বিষয়াসকলে জনোৱা মতে, আই এম এফে পাকিস্তানক কৰ বৃদ্ধি আৰু সংগ্ৰহৰ লগতে দৰিদ্ৰ লোকৰ ওপৰত বোজা নপৰাকৈ ৰাজ সাহায্য কমাবলৈ নতুন নিৰ্দেশনা দিছিল । জাৰ্দাৰীয়ে কয় যে, তেওঁৰ দলে ৰাজহ সংগ্ৰহ সম্প্ৰসাৰণক সমৰ্থন কৰে আৰু বিশ্বাস কৰে যে আঢ্যৱন্ত অধিক ধন দিব লাগে ৷ কিন্তু তেওঁ কয় যে, পাকিস্তানে “আমি অংশ হৈ অহা আই এম এফৰ যোৱা ২৩ টা কাৰ্যসূচীৰ বাবে” গাঁথনিগত কৰ সংস্কাৰ সাধন কৰিবলৈ সক্ষম হোৱা নাই (Pakistan Foreign Minister on Pakistan crises) ।
লগতে পঢ়ক: First Victim of H3N2 : কৰ্ণাটকত মৃত্যু দেশৰ প্ৰথমগৰাকী H3N2 আক্ৰান্তৰ
"এই পৰিসৰৰ জলবায়ুৰ বিপৰ্যয়ত ভুগি থকাৰ সময়ত আমাৰ কৰ নীতি আৰু কৰ সংগ্ৰহৰ বিষয়ে নিটপিক কৰাৰ সময় সঁচাকৈয়ে হৈছেনে ?" জাৰ্দাৰী কয় । ‘‘আফগানিস্তানৰ পৰা পশ্চিমীয়া দেশসমূহে আঁতৰি অহা আৰু আমাৰ দেশৰ ভিতৰত সন্ত্ৰাসবাদী কাৰ্যকলাপৰ ক্ৰমাগত বৃদ্ধিৰ পিচত এক লাখ নতুন শৰণাৰ্থীৰ সৈতেও মোকাবিলা কৰি থকা পাকিস্তানৰ প্ৰতি আই এম এফে ন্যায়পৰায়ণতা প্ৰদৰ্শন কৰা নাই ৷’’ তেওঁ লগতে কয় (Pakistan Economic Crisis Flood Terrorism) ।
‘‘আই এম এফে বেইলআউটৰ আলোচনাক টানি আনিছে যেতিয়া দেশখনক এতিয়া ধনৰ প্ৰয়োজন হৈছে ৷ যাতে বানত ঘৰ-দুৱাৰ আৰু শস্য উটুৱাই নিয়া দৰিদ্ৰসকলক সহায় কৰিব পাৰে । তেওঁলোকক কোৱা হৈছে যে, তেওঁলোকৰ কৰ সংস্কাৰ সম্পূৰ্ণ নোহোৱালৈকে আমি আই এম এফৰ কাৰ্যসূচী সমাপ্ত নকৰো ।’’ জৰ্দাৰীয়ে কয় ৷
অৰ্থনৈতিকভাৱে তেওঁ কয় যে, ক’ভিড-১৯ মহামাৰীৰ প্ৰভাৱ, ২০২১ চনৰ আগষ্ট মাহত আফগানিস্তানত তালিবানে ক্ষমতা দখল কৰা, মুদ্ৰাস্ফীতি আৰু যোগান শৃংখলৰ ব্যাঘাতৰ মাজতো পাকিস্তানে নিজৰ মূৰ পানীৰ ওপৰত ৰাখিবলৈ সক্ষম হৈছিল । কিন্তু তাৰ পিচত যোৱা গ্ৰীষ্মকালীন বানত ১৭৩৯ জন লোকৰ মৃত্যু হৈছিল, ২০ লাখ ঘৰ ধ্বংস হৈছিল আৰু ৩০ বিলিয়ন ডলাৰৰ ক্ষতি হৈছিল ৷ “আমি এতিয়ালৈকে হোৱা আটাইতকৈ ডাঙৰ, আটাইতকৈ বিধ্বংসী জলবায়ু বিপৰ্যয়ৰ সন্মুখীন হৈছোঁ ৷” তেওঁ কয় ।
কূটনৈতিক দিশত জাৰ্দাৰীয়ে কয় যে, পাকিস্তানে চুবুৰীয়া ৰাষ্ট্ৰৰ সৈতে কেইবাটাও প্ৰত্যাহ্বানৰ সন্মুখীন হৈছে । তেওঁ ভাৰতৰ সৈতে বহুতো দ্বিপাক্ষিক সমস্যা, আফগানিস্তানত দশক দশক ধৰি চলি থকা “ট্ৰেজেডী আৰু সংঘাত” আৰু ইৰাণৰ বিৰুদ্ধে নিষেধাজ্ঞাৰ কথা আঙুলিয়াই দিয়ে ৷ যিয়ে দেশখনৰ সৈতে পাকিস্তানৰ বাণিজ্যত বাধাৰ সৃষ্টি কৰে (Pakistan Foreign minister) ।
তেওঁ কয়, “আমাৰ চুবুৰীয়া ৰাষ্ট্ৰ চীনৰ সৈতে এক অতি সুস্থ অৰ্থনৈতিক সম্পৰ্ক আছে ৷ যিটো স্পষ্টভাৱে ভূ-ৰাজনৈতিক পৰিঘটনাৰ ফলতো চৰ্চাত আছে ।” বিশেষকৈ বানপানীৰ তাণ্ডৱৰ সময়ত যোৱা ৩ মাৰ্চত ঘোষণা কৰা অতিৰিক্ত ১.৩ বিলিয়ন ডলাৰৰ ঋণৰ বাবে চৰকাৰে বেইজিঙৰ প্ৰতি “অতি কৃতজ্ঞ” বুলিও জৰ্দাৰীয়ে কয় ।
লগতে পঢ়ক: Sisodiya in ED custody: 17 মাৰ্চলৈকে ইডিৰ জিম্মাত থাকিব মনীষ চিছোদিয়া
মন্ত্ৰীগৰাকীয়ে আৰু কয়, চীন চৰকাৰে আমাৰ ঋণ ৰোলিং অভাৰ কৰি হওক বা এটা বা আনটো ৰূপত অৰ্থনৈতিক সহায় আগবঢ়াই হওক, পাকিস্তানক সমৰ্থন কৰিছে । "এই মুহূৰ্তত মই এই বিষয়টোক লৈ চিন্তিত নহয় । আমি য'ৰ পৰাই সহায় আৰু সমৰ্থন পাব পাৰো তাৰ পৰাই আমাক সহায় আৰু সমৰ্থনৰ প্ৰয়োজন ।"
দেশখনৰ শক্তিৰ প্ৰয়োজনীয়তা পূৰণ কৰিবলৈ আৰু দামী আমদানিকৃত ইন্ধনৰ বাবে ধন যোগান ধৰিব পৰা লোকসকলক সকাহ দিবলৈ তেওঁ কয় যে, “আমি আমাৰ শক্তিৰ প্ৰয়োজনীয়তা পূৰণৰ বাবে ৰাছিয়াকে ধৰি যিকোনো দেশৰ ব্যক্তিৰ সৈতে কাম কৰিবলৈ বিচাৰিছো ।” জৰ্দাৰীয়ে লগতে কয় যে, তেওঁৰ মতে এতিয়া আমেৰিকাৰ মূল্য সীমাৰ ভিতৰত ৰাছিয়াৰ পৰা আমদানিৰ বাবেও ঠাই আছে ।
এখন আদৰ্শৰ পৃথিৱীত ইৰাণৰ পৰা পাকিস্তানলৈ গেছ পাইপলাইন সম্পূৰ্ণ হ’ব লাগে বুলি জাৰ্দাৰীয়ে কয় ৷ তেওঁৰ মতে, “দুৰ্ভাগ্যজনকভাৱে ভূ-ৰাজনৈতিক জটিলতাৰ ফলত অদূৰ ভৱিষ্যতে সেয়া হোৱাৰ সম্ভাৱনা দেখা নাই ।” যোৱা মে’ মাহত জাৰ্দাৰীয়ে কৈছিল যে, আফগানিস্তানক লৈ বিগত উত্তেজনাৰ বাহিৰলৈ গৈ ইমৰাণ খানৰ প্ৰশাসনৰ অধীনত বছৰ বছৰ ধৰি কঠিন সম্পৰ্কৰ অন্তত আমেৰিকা আৰু পাকিস্তানে নতুন সংযোগত প্ৰৱেশ কৰাটো প্ৰয়োজন ।
জলবায়ু, স্বাস্থ্য, প্ৰযুক্তি আৰু বাণিজ্যৰ ওপৰত আলোচনাৰ কথা আঙুলিয়াই দি বৃহস্পতিবাৰে তেওঁ কয়, ‘‘আমি এক সুস্থ ট্ৰেজেক্টৰীত আছো । আমেৰিকা আৰু পাকিস্তানী বিষয়াসকলেও মাত্ৰ সন্ত্ৰাসবাদৰ বিৰোধ সম্পৰ্কে আলোচনা কৰিবলৈ সাক্ষাৎ কৰিছে ৷’’ যিটো বিষয় পাকিস্তান চৰকাৰেও আফগানিস্তানত উত্থাপন কৰিছে বুলিও তেওঁ লগতে কয় ।
জাৰ্দাৰীয়ে জোৰ দি কয় যে, কাবুলৰ পতনৰ পূৰ্বে আৰু পিছত পাকিস্তানৰ তালিবানৰ ওপৰত কথিত প্ৰভাৱক সদায় অতিৰঞ্জিত কৰা হৈছে । তেওঁ কয় যে, পাকিস্তানে অৱশ্যে সন্ত্ৰাসবাদ আৰু অন্যান্য বিষয় বিশেষকৈ মহিলাৰ শিক্ষা আৰু চাকৰিৰ অধিকাৰৰ ক্ষেত্ৰত তালিবানৰ সৈতে জড়িত হোৱাৰ ক্ষেত্ৰত গুৰুত্ব সদায় বজাই ৰাখিছে । তেওঁ ৰাষ্ট্ৰ সংঘত মহিলাৰ অধিকাৰৰ প্ৰসাৰৰ কেইবাখনো সভাত ভাষণ দিছিল ।
জাৰ্দাৰীয়ে কয় যে, পাকিস্তানে আল কায়দা আৰু ইছলামিক ৰাষ্ট্ৰৰ সৈতে জড়িত সন্ত্ৰাসবাদী সংগঠনকে ধৰি সকলো সন্ত্ৰাসবাদী সংগঠনৰ বিৰুদ্ধে তালিবানে ব্যৱস্থা গ্ৰহণ কৰাটো বিচাৰিব । কিন্তু তেওঁ কয় যে, এই গোটসমূহৰ বিৰুদ্ধে যুঁজিবলৈ তালিবানৰ ক্ষমতাক লৈ প্ৰশ্ন উত্থাপন হৈছে ৷ কাৰণ তেওঁলোকৰ কোনো নিৰ্দিষ্ট সেনাবাহিনী, সন্ত্ৰাসবাদ বিৰোধী বাহিনী বা কোনো ফলপ্ৰসূ সীমান্ত ব্যৱস্থাপনা বাহিনী নাই ।
লগতে পঢ়ক: China President Xi Jinping : তৃতীয়বাৰলৈ চীনৰ ৰাষ্ট্ৰপতি পদত ঝি জিনপিং
জাৰ্দাৰীয়ে কয় যে, পশ্চিমীয়া দেশসমূহক তেওঁৰ পৰামৰ্শ হ’ল ভূ-খণ্ডটোত যিয়েই নহওক কিয় তালিবানৰ সৈতে জড়িত হোৱা উচিত । পশ্চিমীয়া দেশসমূহেও আফগানিস্তানলৈ মানৱীয় সাহায্য বজাই ৰখাই নহয়, ইয়াৰ অৰ্থনীতি আৰু কেন্দ্ৰীয় বেংক চলাবলৈ অৰ্থনৈতিক সাহায্য প্ৰদান কৰা উচিত আৰু আফগানসকলক আৰু অধিক ভয়াৱহ অৰ্থনৈতিক সংকটত পৰাৰ পৰা সহায় কৰা উচিত বুলিও তেওঁ কয় ।
জাৰ্দাৰীয়ে আৰু কয় যে, আমেৰিকা, যুক্তৰাজ্য আৰু ইউৰোপীয় সংঘৰ সাংসদসকলৰ বাবে এইটো কিমান কঠিন হ’ব সেয়া তেওঁ বুজি পাইছে । কিন্তু কাৰ্যক্ষম অৰ্থনীতিৰ অবিহনে তালিবানে মহিলাৰ শিক্ষা আৰু চাকৰিৰ অধিকাৰকে ধৰি পূৰ্বৰ প্ৰতিশ্ৰুতি পালন কৰিবলৈ চেষ্টা কৰাকে ধৰি ৰাজনৈতিক সিদ্ধান্ত কাৰ্যকৰী কৰিবলৈ স্থান নাথাকিব বুলিও তেওঁ কয় ।
(এই বাতৰিটো অটোজেনেৰেটেড ছিণ্ডিকেটেড ফিডৰ পৰা প্ৰকাশ কৰা হৈছে আৰু ইটিভি ভাৰতৰ কৰ্মচাৰীয়ে সম্পাদনা কৰা নাই ৷) (AP)
