ইণ্টাৰনেচনেল ডেস্ক, ৩১ মাৰ্চ : ইণ্ডো-আমেৰিকান ব্যৱসায়িক নেতা অজয় বাংগা বিশ্ব বেংকৰ পৰৱৰ্তী অধ্য হ'বলৈ সাজু হৈছে (Ajay Banga to become next President of World Bank) । বিশ্ব বেংকৰ অধ্যক্ষ পদৰ বাবে মনোনয়নৰ সময়সীমা উকলি যোৱাৰ পিছত কোনো দেশেই এই সন্মানীয় পদটোৰ বাবে বিকল্প প্ৰাৰ্থীৰ প্ৰস্তাৱ নিদিত বাংগাৰৰ অধ্যক্ষ পদ একপ্ৰকাৰ নিশ্চিত হৈছে । উল্লেখ্য, বিগত ফেব্ৰুৱাৰী মাহত আমেৰিকাৰ ৰাষ্ট্ৰপতি জো বাইডেনে ঘোষণা কৰিছিল যে আমেৰিকা যুক্তৰাষ্ট্ৰই অজয় বাংগাক বিশ্ব বেংকৰ নেতৃত্ব দিবলৈ মনোনীত কৰিব (Joe Biden announced US nominating Ajay Banga) । কিয়নো তেওঁ ইতিহাসৰ এক সংকটজনক মুহূৰ্তত বিশ্ব প্ৰতিষ্ঠানটোৰ নেতৃত্ব দিবলৈ সম্পূৰ্ণভাৱে সুসজ্জিত ।
বিশ্ব বেংকে বুধবাৰে ইয়াৰ পৰৱৰ্তী অধ্যক্ষৰ মনোনয়নৰ বাবে প্ৰদান কৰা এমাহ দীঘলীয়া সময়সীমা বন্ধ কৰে (World Bank President nomination process) । এই সময়ছোৱাত 63 বছৰীয়া বাংগাৰ কোনো বিকল্প কোনো দেশেই ঘোষণা কৰা নাই । Mastercard Inc.-ৰ প্ৰাক্তন মুৰব্বী বাংগাই (former Mastercard Inc chief Ajay Banga) বৰ্তমান জেনেৰেল আটলাণ্টিকত উপাধ্যক্ষ হিচাপে কাৰ্যনিৰ্বাহ কৰি আছে । আনহাতে, বিশ্ব বেঙ্কৰ বোৰ্ডে বৃহস্পতিবাৰে ইয়াৰ বাছনি প্ৰক্ৰিয়াৰ পৰৱৰ্তী পদক্ষেপবোৰ ঘোষণা কৰাৰ আশা কৰা হৈছে আৰু মে' মাহৰ আৰম্ভণিতে বেংকটোৰ এজন নতুন নেতা নিশ্চিত কৰাৰ লক্ষ্য লোৱা হৈছে ।
"পৰৱৰ্তী কেইমাহমানৰ ভিতৰত আপোনালোকে বিশ্ব বেঙ্কক এক গুৰুত্বপূৰ্ণ পৰিৱৰ্তনৰ মাজেৰে যোৱা দেখিব । আমি আশাকৰোঁ যে অজয় বাংগাৰ ৰাষ্ট্ৰপতি বাইডেনৰ মনোনীত ব্যক্তি হিচাপে বিশ্ব বেংকৰ অধ্যক্ষ নিৰ্বাচিত হ'ব (US president Joe Baiden) ।" আমেৰিকা যুক্তৰাষ্ট্ৰৰ কোষাগাৰ সচিব জেনেট য়েলেনে বুধবাৰে আমেৰিকান কংগ্ৰেছত এনেদৰে কয় । "একবিংশ শতিকাৰ প্ৰত্যাহ্বানসমূহৰ ভালদৰে মোকাবিলা কৰিবলৈ প্ৰতিষ্ঠানটো বিকশিত কৰাৰ বাবে আমাৰ প্ৰগতি ত্বৰান্বিত কৰাৰ বাবে তেওঁক দায়িত্ব প্ৰদান কৰা হ'ব । এই বিৱৰ্তনে বেংকটোক ইয়াৰ গুৰুত্বপূৰ্ণ দৰিদ্ৰতা দূৰীকৰণ আৰু উন্নয়নৰ লক্ষ্য পূৰণ কৰাত সহায় কৰিব ।" য়েলেনে লগতে কয় ।
উল্লেখ্য, সকলো নিশ্চিত হ'লে আন্তৰ্জাতিক মুদ্ৰানিধি বা বিশ্ব বেংকৰ দৰে দুটা শীৰ্ষ আন্তঃৰাষ্ট্ৰীয় বিত্তীয় প্ৰতিষ্ঠানৰ যিকোনো এটাৰ মুৰব্বী হোৱা বাংগা প্ৰথম ভাৰতীয়-আমেৰিকান আৰু শিখ-আমেৰিকান হ'ব । বাঙ্গাই বিশ্ব বেংকৰ বৰ্তমানৰ অধ্যক্ষ ডেভিদ মালপাছৰ স্থানত অভিষিক্ত হ'ব । তেওঁ নিজৰ কাৰ্যকাল সমাপ্ত হোৱাৰ প্ৰায় এবছৰ আগতে অহা জুন মাহত পদত্যাগ কৰিব । উল্লেখ্য যে জলবায়ু কাৰ্যৰ প্ৰতি বেংকটোৰ প্ৰতিশ্ৰুতি আৰু জলবায়ু পৰিৱৰ্তনৰ ওপৰত তেওঁৰ ব্যক্তিগত দৃষ্টিভংগীক লৈ মালপাছে তীব্ৰ সমালোচনাৰ সন্মুখীন হৈছিল ।
