কেনে চলিছে বিভিন্ন দেশৰ ৰমজানৰ বজাৰ?

হিংসা-সন্ত্ৰাস, ৰাজনৈতিক অস্থিৰতাৰ লগতে নিবনুৱা সমস্যা আৰু মুদ্ৰাস্ফীতিয়ে এই দেশসমূহৰ ৰমজানৰ বজাৰতো প্ৰভাৱ পেলাইছে ৷ গাজা, লেবানন,পাকিস্তানৰ দৰে অশান্ত অঞ্চলৰ ব্যৱসায়ীসকলে ৰমজানৰ বজাৰ সন্তোষজনক নহয় বুলি মন্তব্য কৰিছে ৷

নিউজ ডেস্ক , 07 মে' : আৰম্ভ হ'ল ৰমজানৰ পবিত্ৰ মাহ ৷ সমগ্ৰ বিশ্বৰে ইছলাম ধৰ্মাৱলম্বী লোকসকলে ৰমজানৰ বাবে প্ৰস্তুতি চলোৱাৰ সমান্তৰালকৈ ব্যৱসায়ীসকলেও ৰমজানত প্ৰয়োজনীয় বিভিন্ন সামগ্ৰী বজাৰত মেলি দিছে ৷ ৰমজানৰ সময়ত মূলতঃ ফল-মূল, শাক-পাচলিৰ চাহিদা আটাইতকৈ বেছি হোৱা দেখা যায় ৷

কিন্তু বহুকেইখন মুছলিম প্ৰধান দেশত ৰমজানৰ বজাৰত পূৰ্বৰ সেই উৎসাহ পৰিলক্ষিত হোৱা নাই বুলি জনাইছে ব্যৱসায়ীসকলে ৷ হিংসা-সন্ত্ৰাস, ৰাজনৈতিক অস্থিৰতাৰ লগতে নিবনুৱা সমস্যা আৰু মুদ্ৰাস্ফীতিয়ে এই দেশসমূহৰ ৰমজানৰ বজাৰতো প্ৰভাৱ পেলাইছে ৷ গাজা, লেবানন,পাকিস্তানৰ দৰে অশান্ত অঞ্চলৰ ব্যৱসায়ীসকলে ৰমজানৰ বজাৰ সন্তোষজনক নহয় বুলি মন্তব্য কৰিছে ৷