নিউজ ডেস্ক, 5 মে' : ছিৰিয়াৰ এলেপোৰ বাহিৰৰ এলেকাত থকা ছাফিৰাস্থিত সেনা চাউনীক লক্ষ্য কৰি বিমানেৰে আক্ৰমণ কৰে । ইজৰাইলী সেনাৰ হেলিকপ্তাৰ এখনক ছিৰিয়াত মিছাইলেৰে আক্ৰমণ কৰাৰ দুদিন পাচতেই এই আক্ৰমণ সংঘটিত হয় ।
ইপিনে ইজৰাইলৰ প্ৰতিৰক্ষা বাহিনী (IDF)য়ে এই আক্ৰমণ সম্পৰ্কে কোনো স্পষ্টীকৰণ প্ৰকাশ কৰা নাই । আনহাতে ছিৰিয়াৰ এগৰাকী সেনা বিষয়াই প্ৰকাশ কৰা অনুসৰি বহু কেইটা সেনা চাউনী বিমান আক্ৰমণৰ ফলত অনিষ্ট হৈছে ।
ইয়াৰ পূৰ্বে, ইজৰাইলী সেনাই ছিৰিয়াৰ এলেপোত থকা বৈজ্ঞানিক গৱেষণা কেন্দ্ৰত আক্ৰমণ কৰা বুলি SANA নিউজ এজেন্সীয়ে প্ৰকাশ কৰিছিল ।
