ইন্টাৰনেশ্যনেল ডেক্স,4 জানুৱাৰীঃ ইৰাকৰ ছিয়া প্ৰসিদ্ধ ম’বিলাইজেছন ফোৰ্চৰ কনভয়ৰ ওপৰত হোৱা এক এয়াৰ ষ্ট্ৰাইকত পাঁচ জনকৈ লোকৰ মৃত্যু ৷ স্পুটনিকক এই কথা সদৰি কৰে নিৰাপত্তা বাহিনীৰ লোকে ৷ শনিবাৰে পুৱাৰ ভাগত বাগদাদৰ উত্তৰ জিলা তাজিত এক শক্তিশালী বিস্ফোৰণৰ কথা স্পুটনিকক জনাইছিল নিৰাপত্তা সূত্ৰই ৷
"মোবিলাইজেছন ফোৰ্চৰ এক কনভয়ত আক্ৰমণৰ ঘটনা সংঘটিত হৈছে ৷ প্ৰাৰম্ভিক তথ্য অনুসৰি, এই আক্ৰমণত পাঁচজন লোকৰ মৃত্যু হৈছে ৷ এই পৰ্যন্ত তেঁওলোকৰ নামসমূহ জানিব পৰা হৈৱা নাই ৷"- সূত্ৰই প্ৰকাশ কৰে ৷
উল্লেখ্য যে, বৃহস্পতিবাৰে বাগদাদ বিমান বন্দৰত আমেৰিকাই সংঘটিত কৰা ড্ৰোণ আক্ৰমণত মৃত্যু হয় ইৰাণৰ এলাইট কুদচ ফোৰ্চৰ জেনেৰেল কাচেম ছোলেইমানিৰ ৷
আৰু পঢ়ক-ঘন কুঁৱলীৰ বাবে মধ্যপ্ৰদেশত সংঘটিত বিমান দুৰ্ঘটনাঃপাইলটৰ মৃত্যু
