নিউজ ডেস্ক, 16 জুলাই : বুধবাৰে ইৰানৰ ব্যস্ত বুশহৰ জাহাজঘাটিত সংঘটিত হয় ৰহস্যজনক অগ্নিকাণ্ড ৷ 7খনকৈ জাহাজত সংঘটিত অগ্নিকাণ্ডৰ ফলত বিস্তৰ ক্ষতিসাধন হোৱাৰ তথ্য পোৱা গৈছে ৷ অৱশ্যে কি কাৰণত অগ্নিকাণ্ড সংঘটিত হ'ল আৰু ঘটনাত কিমান লোক হতাহত হৈছে তাৰ কোনো তথ্য পোহৰলৈ অহা নাই ৷
এই অগ্নিকাণ্ডৰ ফলত ইৰানৰ জলীয় ক্ষেত্ৰৰ ওচৰত থকা কিছুসংখ্যক অন্য স্থানটো বিস্ফোৰণ সংঘটিত হয় ৷ এই বিস্ফোৰণত কোনো লোক হতাহত হোৱাৰ খবৰ লাভ কৰা নাই ৷
উল্লেখ্য যে, ইৰানৰ ৰাজধানী তেহৰানৰ এখন ক্লিনিকত হোৱা গেছ বিস্ফোৰণত 19 গৰাকী লোকৰ মৃত্যু হৈছিল ৷ আনহাতে কিছুদিন পূৰ্বেই ইৰানৰ নংতাজ ভূমিগত পৰমানু কেন্দ্ৰতো এক বিস্ফোৰণ সংঘটিত হৈছিল ৷ আনহাতে ওমানৰ জলৰাশিত চলি থকা এক সৈনিক অনুশীলনত ইৰানৰ এখন যুদ্ধজাহাজ ভুলবশতঃ মিছাইলৰ বলি হৈছিল ৷ এই ঘটনাত 19 গৰাকী নৌ-সেনাৰ মৃত্যু হৈছিল ৷
লগতে পঢ়কঃ মণ্ট ব্লেংক হিমবাহত উদ্ধাৰ 1966 চনৰ ভাৰতীয় সংবাদপত্ৰ
