নিউজ ডেস্ক, 17 অক্টোবৰ : বিশ্বব্যাপী প্ৰতিবছৰে 17 অক্টোবৰত পালন কৰা হয় দৰিদ্ৰতা নিৰ্মূলৰ বাবে আন্তৰ্জাতিক দিৱস(International Day for the Eradication of Poverty) ৷ মুলতঃ বিশ্বব্যাপী থকা দৰিদ্ৰতা, হিংসা আৰু ভোকৰ ওপৰত আলোকপাত কৰাৰ বাবে এই দিৱস পালন কৰা হয় ।
এই দিৱসৰ উদ্দেশ্য হৈছে বিশ্বব্যাপী দৰিদ্ৰতা নিৰ্মূল কৰাৰ উপায় বিচাৰি উলিওৱা, দৰিদ্ৰতাত বাস কৰা লোকসকলৰ প্ৰচেষ্টা আৰু সংগ্ৰামক স্বীকাৰ কৰা আৰু তেওঁলোকক সুবিধা প্ৰদান কৰা ৷ দৰিদ্ৰতা(Poverty) হৈছে মানৱ অধিকাৰ(Human Rights)ৰ উলংঘন ৷ এই অধিকাৰসমূহক সন্মান জনোৱাতো নিশ্চিত কৰিবলৈ সমগ্ৰ বিশ্ববাসীয়ে একত্ৰিত হোৱাৰ প্ৰয়োজন ৷
দৰিদ্ৰতামুক্ত এখন নতুন পৃথিৱী লাভ নকৰালৈকে মানৱ জাতিৰ বিকাশৰ কল্পনা কৰাতো অতিকৈ কঠিন । দৰিদ্ৰতা নিৰ্মূলৰ বাবে আন্তৰ্জাতিক দিৱসৰ ইতিহাস আৰু তাৎপৰ্য-
দৰিদ্ৰতা, ভোক, হিংসা আৰু ভয়ত থকা ভুক্তভোগীসকলক সন্মান জনোৱাৰ অৰ্থে 1987 চনত ফ্ৰান্সৰ পেৰিছত পোনপ্ৰথমবাৰৰ বাবে এই দিৱসটো পালন কৰা হৈছিল ৷ ট্ৰোকাডেৰোৰ Human Rights আৰু Liberties Plaza পোনপ্ৰথমবাৰৰ বাবে আয়োজন কৰা হৈছিল এই দিৱসৰ ৷ উক্ত অনুষ্ঠানতে International Movement ATD Fourth Worldৰ প্ৰতিষ্ঠাপক জোচেফ ৰেচিনস্কি(Joseph Wresinski)য়ে এই দিৱসৱৰ স্মাৰক হিচাপে এটা পাথৰৰ উন্মোচন কৰিছিল ।
পৰৱৰ্তী সময়ত 1992 চনত ৰাষ্ট্ৰসংঘ(UN)ই 17 অক্টোবৰৰ দিনটো আনুষ্ঠানিকভাৱে দৰিদ্ৰতা নিৰ্মূলৰ বাবে আন্তৰ্জাতিক দিৱস হিচাপে স্বীকৃতি প্ৰদান কৰে ৷ এই দিনটো দৰিদ্ৰতাত পীড়িত লোক বা পৰিয়ালৰ দ্বাৰা সন্মুখীন হোৱা সমস্যাবোৰৰ ওপৰত আলোকপাত কৰিবলৈ আৰু বিশ্বব্যাপী সকলো ধৰণৰ দৰিদ্ৰতা নিৰ্মূলৰ দিশত কাম কৰাৰ বাবে চিহ্নিত কৰা হৈছে ।
এই দৰিদ্ৰ লোকসকল সাধাৰণতে মৌলিক প্ৰয়োজনীয়তাৰ পৰা বঞ্চিত হৈ থাকে ৷ লগতে তেওঁলোকে অসুৰক্ষিত আৱাস, বিপদজ্জনক কামৰ পৰিস্থিতি, ৰাজনৈতিক ক্ষমতাৰ অভাৱ আৰু স্বাস্থ্য সেৱাৰ সীমিত প্ৰৱেশাধিকাৰৰ সন্মুখীন হ’বলগীয়া হয় ৷ দৰিদ্ৰতাত বসবাস কৰা লোকসকলে বহু পাৰস্পৰিক সম্পৰ্ক আৰু শক্তিশালী বঞ্চনা অনুভৱ কৰে, যিয়ে তেওঁলোকক তেওঁলোকৰ অধিকাৰ প্ৰাপ্ত কৰাত বাধা দিয়ে ৷ যাৰ ফলস্বৰূপে তেওঁলোকৰ দৰিদ্ৰতা স্থায়ী হৈ পৰে ৷ ইয়াৰ ভিতৰত আছে-
1. বিপদজ্জনক কামৰ পৰিস্থিতি
2. অসুৰক্ষিত আৱাস
3. পুষ্টিকৰ খাদ্যৰ অভাৱ
4. ৰাজনৈতিক ক্ষমতাৰ অভাৱ
5. স্বাস্থ্য সেৱাৰ সীমিত প্ৰৱেশাধিকাৰ ইত্য়াদি ৷
বিগত বৰ্ষত ক’ভিড(Covid) মহামাৰীৰ ফলত দৰিদ্ৰতাৰ বিৰুদ্ধে এক বৃহৎ যুঁজত নামিবলগীয়া হৈছে বিশ্বৰ জনসাধাৰণে ৷ বিশ্ব বেংক(World Bank)ৰ মতে, এই সংকটৰ ফলস্বৰূপে 88ৰ পৰা 115 নিযুত লোকক দৰিদ্ৰতাৰ ফালে ঠেলি দিয়া হৈছে ৷ দক্ষিণ এছিয়া আৰু চাহাৰাৰ দেশসমূহত অধিক সংখ্যক নতুন চৰম দৰিদ্ৰ লোক পোৱা গৈছে, য’ত দৰিদ্ৰতাৰ হাৰ ইতিমধ্যে উচ্চ । 2021 চনৰ শেষৰ ফালে এই সংখ্যা 143ৰ পৰা 163 নিযুতলৈ বৃদ্ধি হোৱাৰ সম্ভাৱনা আছে ।
এই ‘নতুন দৰিদ্ৰ’সকলে ইতিমধ্যে নিৰন্তৰ দৰিদ্ৰতাত বাস কৰা 1.3 বিলিয়ন লোকৰ শাৰীত অন্তৰ্ভুক্ত হ’ব ৷ ক’ভিডৰ দ্বিতীয় ঢৌৰ পাচৰ সময়চোৱা অৰ্থাৎ বৰ্তমানৰ সময়খিনিত বহনক্ষম উন্নয়নৰ লক্ষ্যৰ সৈতে বহু ব্যক্তি, সংস্থাই দৰিদ্ৰতা নিৰ্মূল হোৱাৰ কথা উল্লেখ কৰিছে ৷
কিন্তু অত্যাধিক দৰিদ্ৰতাত বাস কৰা লোকসকলৰ পৰা চাবলৈ গ’লে স্পষ্ট যে, তেওঁলোক সহজে অতীতলৈ ঘূৰি যোৱাতো সম্ভৱপৰ নহয় । কিন্তু অলপ কম দৰিদ্ৰতাত বাস কৰা লোকসকলে আগবাঢ়ি যাবলৈ চেষ্টা কৰা জানিব পৰা গৈছে ৷
লগতে পঢ়ক : প্ৰকৃতিৰ ৰোষত ইণ্ডোনেছিয়া, ভূমিকম্পই প্ৰাণ কাঢ়িলে ৩ জনৰ
