নিউজ ডেস্ক, 20 জুলাই: কৰ'ণা ভাইৰাছ মহামাৰী সমগ্ৰ বিশ্বতে 1,46,33,037 তকৈয়ো অধিক লোকলৈ সংক্ৰমিত হৈছে ৷ লগতে এই মহমাৰীৰ ফলত বিশ্বজুৰি 6,08,539 তকৈয়ো অধিক লোকে মৃত্যুক সাৱটি লৈছে ৷ অৱশ্যে বৰ্তমানলৈ এই মহামাৰীৰ কবলৰ পৰা আৰোগ্য লাভ কৰিছে 87,30,163 গৰাকীতকৈও অধিক লোকে ৷
সোমবাৰে চীনৰ স্বাস্থ্য প্ৰাধিকৰণে এক প্ৰতিবেদনত উল্লেখ কৰা অনুসৰি, দেওবাৰে চীনত 22 গৰাকী লোকৰ দেহত নতুনকৈ COVID-19 ৰ অৱস্থিতি পোৱা গৈছে ৷ তাৰ ভিৰতৰ 17 গৰাকী লোকেই চীনৰ স্থানীয় নাগৰিক ৷
সকলো সংক্ৰমিত স্থানীয় লোকৰ ভিতৰত অধিকাংশই উত্তৰ-পশ্চিম চীনৰ জিনজিয়াং উইগুৰ স্বায়ত্বশাসিত অঞ্চলৰ বুলি উল্লেখ কৰে ৰাষ্ট্ৰীয় স্বাস্থ্য আয়োগৰ দৈনিক প্ৰতিবেদনত ৷
আয়োগে উল্লেখ কৰা অনুসৰি, দেওবাৰে দেশখনত এই ৰোগত আক্ৰান্ত কোনো লোকৰে মৃত্যু হোৱা নাই জানিব পৰা গৈছে ৷
লগতে পঢ়ক: অসমত কৰ‘ণা ভাইৰাছৰ শেহতীয়া তথ্য
