নিউজ ডেস্ক,14 মে': বিমান বাংলাদেশ এয়াৰলাইনছে পাঁচ বছৰৰ সুদীৰ্ঘ বিৰতিৰ মূৰত পুনৰ নতুন দিল্লীৰ পৰা ঢাকা সংযোগী বিমান সেৱাৰ মুকলি কৰিছে ৷ সোমবাৰে ঢাকাৰ পৰা 150 জন যাত্ৰী কঢ়িওৱা বিমানখন নতুন দিল্লীৰ ইন্দিৰা গান্ধী আন্তৰাষ্ট্ৰীয় বিমানবন্দৰত অৱতৰণ কৰে ৷ বিমানখনৰ উভটনি যাত্ৰাত 87 জন যাত্ৰীক বিমানখনে ঢাকালৈ কঢ়িয়াই নিয়ে ৷
নতুন দিল্লীস্থিত বাংলাদেশী উচ্চায়ুক্ত ছৈয়দ মোৱাজ্জেম আলিয়ে বিমানখন নতুন দিল্লীত অৱতৰণ কৰাৰ লগে লগে সকলো যাত্ৰীকে উষ্ম আদৰণি জনায় ৷ উল্লেখ্য যে, বিমান বাংলাদেশ এয়াৰলাইনছে 2014 চনৰ ছেপ্তেম্বৰ মাহত বিমানৰ অভাৱৰ বাবে ঢাকা-দিল্লী বিমান সেৱা স্থগিত কৰিছিল ৷
