ইণ্টাৰনেশ্যনেল ডেস্ক, ১৭ নৱেম্বৰ: মঙলবাৰে পাকিস্তানত থকা ভাৰতীয় উচ্চায়ুক্তই ঘোষণা কৰিছে যে, পাকিস্তানত থকা ২২১ জন ভাৰতীয় স্বদেশলৈ উভতি অহাৰ সুবিধা প্ৰদান কৰিব। টুইটযোগে এই কথা সদৰি কৰে ভাৰতীয় উচ্চায়ুক্তই। ভাৰতলৈ উভতি যোৱাত আপত্তি নথকা ভিছাৰ গৰাকী ১৩৫জন, ৭৫ জন ভাৰতীয় নাগৰিক, ১১জন NORI ভিছাৰ গৰাকীৰ পত্নী অথবা স্বামী, জেনেৰেল ভিছাৰ গৰাকী আৰু NORI ভিছাৰ গৰাকীৰ সৈতে পাকিস্তানলৈ যোৱা ১৫ জন ভাৰতীয়ক চলিত বৰ্ষৰ ২৩ নৱেম্বৰত এই সুবিধা প্ৰদান কৰা হ'ব।
যোৱা মাহত ভাৰতীয় উচ্চায়ুক্তই ঘোষণা কৰিছিল যে, মুঠ ১৩৩ গৰাকী ভাৰতীয় নাগৰিক ১৯ অক্টোবৰত পাকিস্তানৰ পৰা ভাৰতলৈ উভতি যাবলৈ সাজু আছে। উচ্চায়ুক্তই ভাৰতীয় নাগৰিকসকলক নিৰ্ধাৰিত তাৰিখ আৰু সময়ত ৱাঘা সীমান্তত উপস্থিত হ'বলৈ যাৱতীয় ব্যৱস্থা গ্ৰহণ কৰিবলৈ অনুৰোধ জনাইছিল। ছেপ্টেম্বৰ মাহত উচ্চায়ুক্তই কৈছিল যে, তেওঁলোকে ৩৬৩ NORI ভিছাৰ গৰাকী আৰু ৩৭ ভাৰতীয়ক স্বদেশলৈ উভতি যোৱাত সুবিধা প্ৰদান কৰি আছে।
লগতে পঢ়ক:বিবাদমান গিলগিট-বাল্তিস্তান নিৰ্বাচনত পি টি আইৰ অগ্ৰগতি
