জাপানত বিধ্বংসী "হাগিবিছ"ৰ প্ৰকোপত মৃত্যু 14 জনৰ

সাগৰীয় ঘূৰ্ণিবতাহ হাগিবিছে ধ্বংসলীলা চলাইছে জাপানত ৷ হাগিবিছৰ প্ৰকোপত বৰ্তমানলৈ দেশখনত 14গৰাকী লোক নিহত হোৱাৰ বিপৰীতে প্ৰায় 10 লাখ লোকক নিৰাপদ ঠাইলৈ স্থানান্তৰ কৰিছে দেশখনৰ সেনাই ৷

নিউজ ডেস্ক, 13 অক্টোবৰঃ জাপানত ধ্বংসলীলা চলাইছে সাগৰীয় ঘূৰ্ণিবতাহ হাগিবিছে ৷ জাপানৰ টকিঅ' চহৰকে ধৰি প্ৰায়বোৰ অঞ্চলতে হাগিবিছৰ প্ৰকোপ পৰিলক্ষিত হৈছে ৷

হাগিবিছৰ পৰৱৰ্তী সময়ত জাপান

ইতিমধ্যে হাগিবিছৰ প্ৰকোপত পৰি দেশখনৰ 14গৰাকীকৈ লোক নিহত হৈছে ৷ আনহাতে প্ৰায় 10 লাখ লোকক নিৰাপদ ঠাইলৈ স্থানান্তৰ কৰিছে জাপান সেনাই ৷ ঘূৰ্ণিবতাহৰ প্ৰতি লক্ষ্য কৰিয়ে দেশখনে বাতিল কৰিছে বহুকেইখন অন্তৱৰ্তী ৰে'লৰ লগতে আন্তঃৰাষ্ট্ৰীয় তথা ঘৰুৱা বিমানসেৱা ৷

জাপানৰ এটি পথৰ অৱস্থা

ঘূৰ্ণিবতাহৰ ফলত অধিক বেছি ক্ষতিগ্ৰস্থ হৈছে মধ্য জাপানৰ নাগানো চহৰ ৷ ঘূৰ্ণিবতাহৰ ফলত চহৰখনৰ চিকুমা নদীৰ বান্ধ চিঙি যোৱাৰ লগতে বহু লক্ষাধিক লোক গৃহহীন হৈ পৰে ৷ ইতিমধ্যে সেনাই উক্ত অঞ্চলত উদ্ধাৰকাৰ্য অব্যাহত ৰাখিছে ৷

হাগিবিছৰ ধ্বংসলীলা

নাগানো চহৰৰ আপদকালীন সেৱা বিভাগৰ বিষয়া ইয়াসুবিবো ইয়ামাগুচিয়ে সংবাদ মাধ্যমৰ আগত প্ৰকাশ কৰা তথ্য অনুসৰি, সৰ্বমুঠ 427 টা পৰিয়ালৰ প্ৰায় 1417 জন লোকক বৰ্তমানলৈ উদ্ধাৰ কৰা হৈছে ৷ ৰাতিৰ ভিতৰতে প্ৰায় 7 মিলিয়ন লোকক নিৰাপদ ঠাইলৈ স্থানান্তৰ কৰিব জাপান চৰকাৰে ৷

লগতে পঢ়কঃ জাপানৰ হাগিবিছ ঘূৰ্ণীবতাহ : প্ৰধানমন্ত্ৰী মোডীৰ সমবেদনা জ্ঞাপন

শনিবাৰে দিনৰ ভাগত জাপানৰ উপকূলত খুন্দা মাৰে ঘূৰ্ণিবতাহ হাগিবিছে ৷ 216 কিলোমিটাৰ প্ৰতি ঘন্টা বেগত অহা হাগিবিছ হৈছে বিগত 60 বছৰত জাপানৰ আটাইতকৈ বিধ্বংসী সাগৰীয় ঘূৰ্ণিবতাহ ৷

• I offer condolences on behalf of all Indians on the loss of life caused by super-typhoon #Hagibis in Japan. I wish early recovery from the damage and devastation caused by this natural calamity.

  — Narendra Modi (@narendramodi) October 13, 2019 " class="align-text-top noRightClick twitterSection" data="

  I offer condolences on behalf of all Indians on the loss of life caused by super-typhoon #Hagibis in Japan. I wish early recovery from the damage and devastation caused by this natural calamity.

  — Narendra Modi (@narendramodi) October 13, 2019

  ">

  I offer condolences on behalf of all Indians on the loss of life caused by super-typhoon #Hagibis in Japan. I wish early recovery from the damage and devastation caused by this natural calamity.

  — Narendra Modi (@narendramodi) October 13, 2019

আনহাতে জাপানত সাগৰীয় ঘূৰ্ণিবতাহৰ প্ৰকোপত নিহত হোৱা লোকসকলৰ প্ৰতি সমবেদনা জ্ঞাপন কৰে ভাৰতৰ প্ৰধানমন্ত্ৰীয়ে ৷ প্ৰধানমন্ত্ৰী নৰেন্দ্ৰ মোডীয়ে টুইট কৰি দেশখনৰ ৰাইজৰ লগতে চৰকাৰক সমবেদনা জ্ঞাপন কৰে ৷