নাছভিলে,(আমেৰিকা)9 নৱেম্বৰঃ আমেৰিকাৰ নাছভিলেত এটা কুকুৰ ওপৰত সৃষ্টি হোৱা বিতৰ্কৰ পিচতে এজন লোকে গুলিচালনা কৰিছিল আৰু সেই ঘটনাত 8 জন লোক আহত হৈছিল৷ ইতিমধ্যে নাছভিলে আৰক্ষীয়ে ঘটনাৰ লগত জড়িত থকাৰ সন্দেহত দুজন লোকক বিচাৰি আছে ৷
দেওবাৰে পুৱতি নিশা 1 বজাৰ পিচত সংঘটিত হোৱা গুলিয়াগুলিত বন্দুকৰ শব্দ শুনাৰ পিচতে প্ৰতিক্ৰিয়া প্ৰকাশ কৰিছে নাছভিলেৰ কৰ্তৃপক্ষই ৷ নাছভিলে মহানগৰৰ আৰক্ষী বিভাগে প্ৰকাশ কৰা এক বিজ্ঞপ্তি অনুসৰি এই সংঘৰ্ষত আহত সকলৰ স্বাস্থ্যৰ অৱস্থা বৰ্তমান সংকটমুক্ত বুলি জনাইছে ৷
নাছভিলে আৰক্ষীয়ে প্ৰকাশ কৰা এক বিবৃতি অনুসৰি দুই সন্দেহজনক ব্যক্তি সম্পৰ্কত বিতৰ্কৰ সূচনা হোৱাৰ লগতে এজন সন্দেহজনক লোকৰ সৈতে এটা কুকুৰ থকাৰ কথা প্ৰকাশ কৰিছে আৰক্ষীৰ তৰফৰ পৰা ৷ আৰক্ষীয়ে প্ৰকাশ কৰা বিবৃতি অনুসৰি এজন লোকে কুকুৰ লগতে এটা হাতগান লৈ যোৱা দেখা পোৱা গৈছিল ৷ দ্বিতীয় সন্দেহজনক লোক জন পলায়ন কৰিছিল ঘটনাস্থলীৰ পৰা আৰু কিছু সময়ৰ পিচতে এটা হাতগান লৈ পুনৰ ঘটনাস্থলীত উপস্থিত হৈছিল আৰু গুলিচালনা কৰিছিল ৷ সেই সময়ত তেওঁৰ সৈতে কেবাজনো লোক আহিছিল বন্দুক লৈ ৷
আৰক্ষীয়ে জনাই যে, তেওঁলোকে ঘটাস্থলীৰ পৰা এটা হাতগান উদ্ধাৰ কৰিছে আৰু এই সম্পৰ্কত তদন্ত অব্যাহত ৰাখিছে ৷
