নিউজ ডেস্ক, ২২ ফেব্ৰুৱাৰী: দেওবাৰে নাইজেৰিয়াত সংঘটিত হয় এক শোকাৱহ বিমান দুৰ্ঘটনা । ফলত নিহত হয় সাতজন । কিং এয়াৰ ৩৫০ সেনাৰ এই বিমানখনে নাইজেৰিয়াৰ ৰাজধানী আবুজা বিমানবন্দৰৰ পৰা উৰা মৰাৰ সময়তে যান্ত্ৰিক বিজুতি ঘটে বিমানখনৰ । তাৰ পাচতে বিমানখন পুনৰ উভতি আহিবলৈ চেষ্টা কৰে । এখ কথা নাইজেৰিয়াৰ বায়ু সেনাৰ মুখপাত্ৰ ইবিকুনলে দাৰামোলাই টুইটযোগে জনায় ।
দুৰ্ভাগ্যবশতঃ সাতজনৰ মৃত্যু হোৱা বুলি শোক ব্যক্ত কৰে মুখপাত্ৰ গৰাকীয়ে । বিমান মন্ত্ৰী হাদি চিৰিকাও এই ঘটনোৰ শোকব্যক্ত কৰে । দুৰ্ঘটনা সন্দৰ্ভত সেনাই তদন্ত অব্যাহত ৰখাৰ কথা জানিবলৈ দিয়ে ।
উল্লেখ্য যে, দুৰ্ঘটনাত পতিত বিমানখন আবুজাৰ পৰা ১০০ কিলোমিটাৰ দূৰত্বতত অৱস্থিত মিন্না চহৰ অভিমুখে ৰাওনা হোৱাৰ সময়তে এই ভয়াৱহ দুৰ্ঘটনাতো সংঘটিত হয় ।
