ইণ্টাৰনেশ্যনেল ডেস্ক, ১৯ জুন : ক্ষুদ্ৰ অন্ধ গুহাত বাস কৰা এবিধ প্ৰাণী অল্মছ, যাৰ মূৰত সংবেদনশীল অংগ আছে । বাহ্য়িক শ্বাসতন্ত্ৰ প্ৰয়োগ কৰি উশাহ-নিশাহ লোৱা অল্মছে কেৱল ৩০ ছেন্টিমিটাৰ দৈৰ্ঘৰ হয় আৰু জন্মৰ পৰাই সিহত ৪ বছৰ বয়সৰ হয় । এই ড্ৰেগন পোৱালিয়ে ১০০ বছৰ জীয়াই থাকিব পাৰে, ১২ বছৰ কাল খাদ্য নোখোৱাকৈ থাকিব পাৰে আৰু অংগসমূহৰ পুনৰ জন্ম দিব পাৰে ।
দক্ষিণ শ্লোভেনিয়াত থকা এই Postojna Caveত বহু পৰ্যটকৰ আগমণ হয় আৰু পৰ্যটকসকলে ড্ৰেগন পোৱালিবোৰ পৰ্যবেক্ষণ কৰিব পাৰে আৰু গুহাৰ ভিতৰেৰে ট্ৰেইন যাত্ৰা কৰিব পাৰে । ইয়াৰ লগতে পোন প্ৰথমবাৰৰ বাবে গুহাটোত এটা একুৰিয়ামত তিনিটা ড্ৰেগন পোৱালি পৰ্যটকৰ আকৰ্ষণৰ বাবে ৰখাৰ ব্যৱস্থা কৰিছে । গুহাৰ প্ৰবন্ধকে এদিনত এক বিশেষ ভিআইপি যাত্ৰাৰ মুকলি কৰে,যত নাৰ্চাৰী একুৰিয়াম পৰ্যবেক্ষণৰ সুবিধা আছে । এই বিশেষ ভিআইপি যাত্ৰা গুহাটোত উপলব্ধ অন্য যাত্ৰাতকৈ কিছু পৃথক । Katarina Kanduc হৈছে এগৰাকী গৱেষক আৰু জীৱবিজ্ঞানী,যিয়ে এইবিধ ড্ৰেগন পোৱালি সন্দৰ্ভত গৱেষণা আৰম্ভ কৰিছে ।
২০১৬ চনত এটি ডাঙৰ প্ৰদৰ্শনী একুৰিয়ামত ৬৪ কেজি ওজনৰ অল্মছৰ কণী ৰখা হৈছিল । বিজ্ঞানীসকলে সদৰী কৰা মতে,এয়া প্ৰথমবাৰ য'ত মানুহে অল্মছৰ জন্ম দিবলৈ এনেকৈ কণী ৰাখিছিল । উল্লেখ্য যে,শ্লোভেনিয়াত কৰ'ণা মহামাৰীৰ প্ৰকোপৰ বাবে গুহাটো বন্ধ কৰি ৰখা হৈছিল আৰু ১১ জুনত পুনৰ পৰ্যটকৰ বাবে খুলি দিয়া হয় গুহাৰ দুৱাৰ ।
"Meet the Baby Dragons" এই যাত্ৰাত প্ৰয়োগশালাত থকা ২১ টা পোৱালি অল্মছৰ ভিতৰত তিনিটা দেখুওৱা হ'ব । গুহাটোৰ অধ্যক্ষ Marjan Batageljয়ে জনোৱা মতে,ড্ৰেগন পোৱালিৰ অসুবিধা নোহোৱাকৈ প্ৰতিদিনে একোটা পৰ্যটকৰ দলত ৩০ জন ব্যক্তিহে সীমিত কৰা হৈছে ।
পোৱালি অল্মছবোৰৰ ২০০,০০০ ঘণ্টাৰো অধিক সময় ইনফ্ৰাৰেড কেমেৰাৰ ভিডিঅ ফুটেজ সংগ্ৰহ কৰা হৈছে । এই প্ৰজাতিৰ ন ন তথ্য উদঘাটন এক বিশাল উৎস হিচাপে ধৰা হৈছে আৰু ভিডিঅ ৰেকৰ্ডত অল্মছৰ অংগৰ পুনঃজনমৰ দৃশ্যও অন্তৰ্ভুক্ত হৈ আছে ।
লগতে পঢ়ক : মেপ সলনি কৰাৰ সংবিধান সংশোধনী বিধেয়কত স্বাক্ষৰ নেপালৰ ৰাষ্ট্ৰপতিৰ
