চিটাৰা ডেস্ক, 6 অক্টোবৰ : বিগবছ 16 আৰম্ভণিতেই এইবাৰ বিতৰ্কৰ মাজত ৷ এজন প্ৰতিযোগীক লৈ চাৰিওফালে চলিছে বিৰোধিতা ৷ চলচ্চিত্ৰ নিৰ্মাতা ছাজিদ খানে শ্ব’টোত প্ৰৱেশ কৰাক লৈ বহুতে অসন্তুষ্টি প্ৰকাশ কৰিছে ৷ শেহতীয়াকৈ বিগবছ অটিটি ফেম উৰ্ফী জাভেদে মাত মাতিছে ছাজিদ খানৰ এণ্ট্ৰিকলৈ ৷
উৰ্ফীয়ে কয়, "বিগ বছ', আপুনি এনেকুৱা কিয় কৰিব ? আপুনি যেতিয়া যৌন চিকাৰীক সমৰ্থন কৰে, আপুনি প্ৰকৃততে তেওঁলোকক এইটো জনাইছে যে তেওঁলোকে যি কৰিছে সেয়া ঠিক কৰিছে । এই সকল পুৰুষে জানিব লাগিব যে তেওঁলোকে যি কৰিছে সেইয়া ঠিক নহয় আৰু তেওঁলোকে ইয়াৰ পৰা হাত সাৰি যাব নোৱাৰে । যৌন চিকাৰীৰ সৈতে কাম কৰা বন্ধ কৰক ! এইটো বিতৰ্কিত নহয়, ই লাঞ্ছনাজনক" ৷
2018 চনত অভিনেত্ৰী মন্দনা কৰিমীকে ধৰি ছাজিদৰ কেইবাগৰাকী মহিলা সহকৰ্মীয়ে তেওঁৰ ওপৰত যৌন নিৰ্যাতনৰ অভিযোগ উত্থাপন কৰিছিল আৰু তেওঁৰ বিৰুদ্ধে #MeToo অভিযানত অংশ লৈছিল । ইয়াৰ ফলত তেওঁ 'হাউচফুল 4'ৰ সঞ্চালকৰ পদ ত্যাগ কৰিছিল ।
উৰ্ফিয়ে উল্লেখ কৰিছিল, "ছাজিদ খানে তেওঁ কৰা কামৰ বাবে কেতিয়াও ক্ষমা বিচৰা নাছিল ! কল্পনা কৰক তেওঁ হাৰাশাস্তি কৰা ছোৱালীকেইজনীয়ে কি অনুভৱ কৰিছে ? আপুনি সঁচাকৈয়ে চিন্তা কৰিব নালাগে কিয়নো আপুনি একাধিক মহিলাক যৌন নিৰ্যাতন চলাই আহিলেও আপুনি এতিয়াও ভাৰতৰ আটাইতকৈ ডাঙৰ অনুষ্ঠানটোৰ অংশ হ’ব পাৰিব !! #Colors যৌন চিকাৰীক সমৰ্থন কৰা বন্ধ কৰক !!! #biggboss #colors #disgraceful" ৷
ছাজিদক শ্ব’টোত দেখি উৰ্ফীয়ে শ্ব’টোত অংশ লোৱাৰ কথা কল্পনাও কৰিব পৰা নাই বুলি জানিবলৈ দিয়ে ৷ "আমি সকলোৱে অনুগ্ৰহ কৰি যৌন চিকাৰীক সমৰ্থন কৰা বন্ধ কৰিব পাৰোঁনে ? মই আনকি বিশ্বাস কৰিব পৰা নাই যে তেওঁ হাৰাশাস্তি কৰা ছোৱালীকেইজনীয়ে তেওঁক প্ৰতিদিনে দূৰদৰ্শনত দেখি কি অনুভৱ মাজেৰে দিন পাৰ কৰি আছে", উৰ্ফীয়ে কয় ।
লগতে পঢ়ক : কেৱল তেওঁৰ লুকটোৰ বাবেই ক’ৰণা মহামাৰীৰ সময়ত মানুহে ক’ৰণা বুলি মাতিছিল এইজন জনপ্ৰিয় তাৰকাক
