চিটাৰা ডেস্ক, 16 মে’: মনত যদি প্ৰৱল ইচ্ছা শক্তি আছে তেন্তে আপুনি কোন ঠাইৰ পৰা আহিছে তথা কেনেধৰণৰ পৰিয়ালৰ পৰা আহিছে সেইবিলাক কথাই কেতিয়াও হেংঙাৰ হ’ব নোৱাৰিব আপোনাৰ কেৰিয়াৰত ৷ হয়, তাৰেই এক জলন্ত উদাহৰণ হৈছে বলীউডৰ হেণ্ডচাম হাংক বিকি কৌশল (Vicky Kaushal Unknown Facts) ৷ পঞ্জাৱৰ হোছিয়াৰপুৰত জন্মগ্ৰহণ কৰা এই শিল্পীগৰাকীৰ শৈশৱ এখন সৰু ঘৰত পাৰ হৈছিল, যদিও ইঞ্জিনিয়াৰিং ডিগ্ৰী লৈ অভিনেতাগৰাকীয়ে নিজৰ মেধা প্ৰমাণ কৰিবলৈ সক্ষম হয় ।
এতিয়া প্ৰশ্ন উত্থাপন হয় যে ইঞ্জিনিয়াৰিং ডিগ্ৰী লোৱা বিকিয়ে অভিনয় জগতত কেনেকৈ ভৰি দিলে ? জানো আহক ইঞ্জিনিয়াৰৰ পৰা অভিনেতালৈ বিকিৰ যাত্ৰা . . .
এখন সৰু ঘৰত শৈশৱ পাৰ কৰিছে বিকিয়ে
পঞ্জাৱৰ হোছিয়াৰপুৰৰ অন্তৰ্গত বিকি কৌশলৰ জন্ম হৈছিল ১৯৮৮ চনৰ ১৬ মে’ত মুম্বাইৰ এখন ঘৰত । আজি অভিনেতাগৰাকীৰ জন্মদিন (Vicky Kaushal Birthday) ৷ অভিনেতাগৰাকীৰ গোটেই শৈশৱ ১০x১০ কোঠা এটাত পাৰ কৰে, য’ত তেওঁ গোটেই পৰিয়ালটোৰ সৈতে বসবাস কৰিছিল । তেওঁৰ পিতৃ শ্যাম কৌশল ছবি জগতৰ একচন পৰিচালক, আনহাতে মাতৃ বীনা কৌশল এগৰাকী গৃহিণী।
ইঞ্জিনিয়াৰিং বাদ দি অভিনেতা হৈ পৰিল বিকি
স্কুলীয়া শিক্ষাৰ পিচত বিকিয়ে ইলেক্ট্ৰনিক্স আৰু কমিউনিকেচনত ইঞ্জিনিয়াৰিং কৰিছিল । অৱশ্যে পঢ়া-শুনাৰ সময়ত তেওঁ উপলব্ধি কৰিছিল যে তেওঁ অফিচৰ চাকৰি কৰাৰ বাবে জন্ম লোৱা নাই । আচলতে মুম্বাই চহৰত ডাঙৰ-দীঘল হোৱা বিকি কৌশলে সৰুৰে পৰা ছবি চোৱা আৰু অভিনয়ৰ প্ৰতি আকৰ্ষিত আছিল (Vicky Kaushal life and career) ।
এনে অৱস্থাত পঢ়া-শুনা কৰি অভিনয় শিকিবলৈ আৰম্ভ কৰি কিশোৰ নমিত কাপুৰৰ অভিনয় শ্ৰেণীত যোগদান কৰে । প্ৰথম অৱস্থাত বিকিয়ে থিয়েটাৰৰ পৰা আৰম্ভ কৰে অভিনয়ৰ এই যাত্ৰা ৷ ইয়াৰ মাজতে আকৌ ছবিৰ বাবে অডিচন দি থাকিল । অৱশ্যে প্ৰথম অৱস্থাত তেওঁ সফলতা লাভ কৰা নাছিল (HBD Vicky Kaushal)।
হঠাৎ সলনি কেনেকৈ বিকিৰ ভাগ্য ?
২০১২ চনত মুক্তি পোৱা ‘গেংছ অৱ ৱাছেইপুৰ’ৰ পৰা আৰম্ভ হৈছিল বিকি কৌশলৰ চলচ্চিত্ৰ যাত্ৰা । আচলতে এই ছবিখনত তেওঁ সহকাৰী পৰিচালক হিচাপে কাম কৰিছিল । ইয়াৰ পিচত তেওঁ ‘লাভ শাভ তেয় চিকেন খুৰানা’ ছবিত অভিনয় কৰিছিল, কিন্তু খ্যাতি নাপালে (Vicky Kaushal first movie)।
ইয়াৰ পিচত আহিল এখন ছবি যিয়ে বিকিৰ সফলতাৰ ক্ষেত্ৰত ডাঙৰ টাৰ্নিং পইণ্ট ৰূপে পৰিগণিত হয় । এই ছবিখন আছিল মাছান, যাৰ সংলাপ ‘য়েহ দুখ কহে খতম নাহি হোতা বে’ বাস্তৱ জীৱনতো বিকিৰ দুখ আৰু যন্ত্ৰণা আঁতৰাই পেলাইছিল । আচলতে এই ছবিখনৰ পৰাই বিকিয়ে স্বীকৃতি লাভ কৰিছিল আৰু তেওঁৰ অভিনয়ৰ শলাগ লোৱা হৈছিল ।
বিকিৰ অভিনয়ৰ আভাস এই ছবিবোৰত দেখা গৈছিল
মাছানৰ পিচত বিকি কৌশলে ৰমন ৰাঘৱ, সঞ্জু, মনমৰ্জিয়ানকে ধৰি বহু ছবিত অভিনয় কৰিছিল । ইয়াৰ পিচত ২০১৯ চনত মুক্তি পোৱা ‘উৰি দ্য চাৰ্জিকেল ষ্ট্ৰাইকে’ বিকিক সফলতাৰ শিখৰলৈ লৈ যায়। একে সময়তে ‘চৰ্দাৰ উধাম’ ছবিখনত বিকি কৌশলৰ অভিনয়ে সকলোকে মন্ত্ৰমুগ্ধ কৰিছিল (Vicky Kaushal birthday special)।
চলচ্চিত্ৰ যাত্ৰাৰ সময়ত বিকিৰ নাম তাপসী পান্নু, শ্বেতা ত্ৰিপাঠী আৰু ভূমি পেডনেকাৰৰ সৈতে জড়িত আছিল যদিও কেটৰিনা কাইফে তেওঁৰ হৃদয়ত থিতাপি লৈছিল (Vicky Kaushal and Katrina kaif) । তেওঁ এটা সাক্ষাৎকাৰত কৈছিল যে তেওঁ কেটৰিনাক তেওঁৰ প্ৰথমখন ছবিৰ পৰাই ভাল পাবলৈ আৰম্ভ কৰিছিল আৰু অৱশেষত ২০২১ চনৰ ৯ ডিচেম্বৰত তেওঁক নিজৰ জীৱনৰ নায়িকা হিচাপে আদৰি ল’বলৈ সক্ষম হৈছিল।
- " class="align-text-top noRightClick twitterSection" data="
">
লগতে পঢ়ক: Madhuri Dixit Birthday: ৫৬ বছৰ বয়সতো ফিট দেখা যায় মাধুৰী দীক্ষিতক; এয়া হৈছে তেওঁৰ ফিটনেছৰ ৰহস্য
