চিটাৰা ডেস্ক, 3 নৱেম্বৰ: ছলমান খান-কেটৰিণা কাইফ আৰু ইমৰাণ হাছমীৰ স্পাই ইউনিভাৰ্ছৰ ছবি টাইগাৰ ৩ ডাঙৰ পৰ্দাত চাবলৈ অনুৰাগীয়ে আগ্ৰেহেৰ অপেক্ষা কৰি আছে । ইফালে দীপাৱলীত ছবিখন মুক্তিৰ পূৰ্বে নিৰ্মাতাই অনুৰাগীক ছবিখনৰ সৈতে জড়িত ৰাখিবলৈ যৎপৰোনাস্তি চেষ্টা কৰিছে ।
প্ৰতিদিনে টাইগাৰ ৩ ৰ সৈতে জড়িত কিছুমান আপডেট শ্বেয়াৰ কৰিছে নিৰ্মাতাই । এতিয়া ছবিখন মুক্তিৰ মাত্ৰ ৯ দিনৰ পূৰ্বে নিৰ্মাতাই ‘টাইগাৰ-৩’ৰ এটা জোৰদাৰ নতুন প্ৰ’ম’ মুকলি কৰিছে, য’ত ইমৰাণ হাছমীয়ে RAW এজেণ্ট অবিনাশ সিং ৰাথোৰ ওৰফে টাইগাৰক প্ৰত্যাহ্বান জনোৱা দেখা যায় ৷ ইয়াৰ পিচত দুয়োৰে মাজত তীব্ৰ কাজিয়া দেখা যায় ।
- " class="align-text-top noRightClick twitterSection" data="">
আতিশ ওৰফে ইমৰাণ হাছমীয়ে টাইগাৰক প্ৰত্যাহ্বান জনায়
এই ছবিখনৰ মুখ্য আকৰ্ষণ কেৱল টাইগাৰ আৰু জোয়াৰ চৰিত্ৰত ছলমান খান আৰু কেটৰিনা কাইফেই নহয়, প্ৰথমবাৰৰ বাবে খলনায়কৰ চৰিত্ৰত অভিনয় কৰা ইমৰাণ হাছমীক ছবিখনত দেখিবলৈ আগ্ৰহেৰে অপেক্ষা কৰি আছে অনুৰাগী ৷ ট্ৰেইলাৰত ইমৰাণ হাছমীৰ লুক প্ৰকাশ কৰাৰ পিচতে এতিয়া যশ ৰাজে নিজৰ অফিচিয়েল এক্স একাউণ্ট (পূৰ্বৰ টুইটাৰ)ত এটা নতুন প্ৰ’ম’ শ্বেয়াৰ কৰিছে, য’ত ইমৰাণ হাছমীক জোৰদাৰ সংলাপ কোৱা শুনা গৈছে ।
এই ভিডিঅ’টোৰ একেবাৰে আৰম্ভণিতে ইমৰাণ ওৰফে আতিশ ৰেহমানে টাইগাৰক প্ৰত্যাহ্বান জনাই কয়, "এইবাৰ মোৰ পাল, এইবাৰ টাইগাৰ পৰাজয় হ’ব । মই বিশ্বৰ মানচিত্ৰৰ পৰা ভাৰতৰ অস্তিত্ব মচি পেলাম, এইটো মোৰ প্ৰতিশ্ৰুতি টাইগাৰ ।’’ ইয়াৰ পিচত প্ৰ’ম’ আগবাঢ়ি যোৱাৰ লগে লগে জোৰদাৰ একচন দেখা যায় ।
নতুন প্ৰ’ম’ত ছলমান আৰু ইমৰাণৰ মাজত দেখা গৈছে একচন
এই ৫০ ছেকেণ্ডৰ প্ৰ’ম’ত RAW এজেণ্ট অবিনাশ সিং ৰাথোৰে শত্ৰুক ধৰাশায়ী কৰা দেখা যায় । এই মিছনত জোয়া ওৰফে কেটৰিণা কাইফে তেওঁক সম্পূৰ্ণৰূপে সমৰ্থন কৰিছে । টাইগাৰ ৩ৰ ট্ৰেইলাৰত ইমৰাণ হাছমী আৰু ছলমান খানৰ মাজত নিশ্চিতভাৱে শত্ৰুতা দেখা গৈছিল, কিন্তু এই নতুন প্ৰ’ম’ত দুয়োজনে ইজনে সিজনক আক্ৰমণ কৰা দেখা গৈছে ।
যশ ৰাজৰ স্পাই ইউনিভাৰ্চৰ ছবি ‘টাইগাৰ-৩’ত কিমান একচন দেখা যাব সেয়া আপুনি অনুমান কৰিব পাৰিব এই নতুন প্ৰ’ম’ৰ পৰা । দীপাৱলী উপলক্ষে অহা ১২ নৱেম্বৰত মুক্তি পাব ছলমান খান-কেটৰিনা কাইফ আৰু ইমৰাণ হাছমীৰ অভিনীত ছবি টাইগাৰ ৩ ।
লগতে পঢ়ক: Tiger 3: ছলমান খানৰ টাইগাৰ ৩ৰ অনুৰাগীৰ বাবে ভাল খবৰ
