চিটাৰা ডেস্ক, 18 জুন: মুক্তি লাভ কৰিলে ষ্টাৰকিডছ সুহানা খান, খুশী কাপুৰ আৰু অগস্ত্য নন্দৰ আটাইতকৈ প্ৰত্যাশিত ছবি দ্য আৰ্চিজৰ টিজাৰ । এই ছবিখন শ্বাহৰুখ খানৰ কন্যা সুহানা খান, শ্ৰীদেৱীৰ কনিষ্ঠ কন্যা খুশী কাপুৰ আৰু অমিতাভ বচ্চনৰ নাতি অগস্ত্য নন্দৰ প্ৰথমখন ছবি । এনে পৰিস্থিতিত এই ছবিখনৰ বিষয়ে বহুদিনৰে পৰা চৰ্চা চলি আছিল । অৱশেষত ব্ৰাজিলত নেটফ্লিক্সৰ বাৰ্ষিক অনুষ্ঠান টুডুমত মুকলি কৰা হৈছে জ’য়া আখতাৰ পৰিচালনাত নিৰ্মিত ছবিখনৰ টিজাৰ । শেহতীয়াকৈ ছবিখনৰ অভিনেতাসকলে ইয়াৰ বাবে ব্ৰাজিললৈ ৰাওনা হৈছিল ।
৬০ ৰ দশকৰ আধাৰত নিৰ্মিত ছবি দ্য আৰ্চিজ
এই ছবিখনত দেখুৱাব হ’ব ১৯৬৪ চনৰ কাহিনী । টিজাৰৰ আৰম্ভণিতে ৰে’লখন ৰিভাৰডেল ষ্টেচনলৈ যোৱা দেখা যায় ৷ ৰিভাৰডেল ভাৰতৰ এটা পাহাৰীয়া ষ্টেচন । গোটেই চহৰখন ৰেট্ৰ’ দেখা গৈছে । য’ত এংলো ইণ্ডিয়ান পত্নীক দেখা যায় । ইয়াৰ পিচত টিজাৰত ৰিভাৰডেলৰ গেঙৰ পৰিচয় দিয়া হয় । য’ত সুহানাৰ চৰিত্ৰৰ নাম ভেৰ’নিকা আৰু খুশীৰ চৰিত্ৰৰ নাম বেটী । এই ছবিখনৰ কাহিনী প্ৰেম, বন্ধুত্ব আৰু ব্ৰেকআপৰ ওপৰত নিৰ্মিত ।
নেটফ্লিক্সে মুকলি কৰিলে টিজাৰ
নেটফ্লিক্সে মুকলি কৰিছে ছবিখনৰ টিজাৰ । টিজাৰ মুকলি কৰি কেপচন দিয়া হৈছিল, ‘আপুনি তেওঁলোকক কমিকছ, কিতাপ আৰু ৰিভাৰডেলত দেখিছে, কিন্তু এইবাৰ ভাৰতত দেখা পাব তেওঁলোকক । ৬০ ৰ দশকত পৰিৱেশিত দ্য আৰ্চিছে এনে এখন পৃথিৱী সৃষ্টি কৰিছে যিখন চিনাকি আৰু নতুন দুয়োটা ।
ছবিখনত অভিনয় কৰিছে সকলো নতুন মুখে
দ্য আৰ্চিজত নতুনকৈ ছবিজগতত অহা সকলোকে চুক্তিবদ্ধ কৰিছে জ’য়া আখতাৰে । ছবিখনত অভিনয় কৰা ষ্টাৰকিডছৰ বাবেই এই ছবিখন বহুদিনৰ পৰাই আলোচনা চলি আছিল । একে সময়তে এই ছবিখনত সুহানা, খুশী আৰু অগস্ত্যৰ উপৰিও বেদাং ৰাইনা, মিহিৰ আহুজা, যুৱৰাজ মেণ্ডা আৰু ডটকো দেখা যাব । যদিও এই ছবিখনৰ মুক্তিৰ তাৰিখ এতিয়াও ঘোষণা কৰা হোৱা নাই ।
