চিটাৰা ডেস্ক, ১২ ছেপ্টেম্বৰ: ছানী দেওলে বৰ্তমান উদযাপন কৰিছে তেওঁৰ ব্লকবাষ্টাৰ ছবি Gadar 2 ৰ সফলতা । ইয়াৰ পূৰ্বে ধৰ্মেন্দ্ৰই তেওঁৰ ছবি ৰকি ঔৰ ৰাণী কি প্ৰেম কাহানীৰ সফলতাৰ বাবে বাতৰিৰ শিৰোনাম দখল কৰিছিল । ইফালে শেহতীয়াকৈ খবৰ পোৱা গৈছে ধৰ্মেন্দ্ৰৰ স্বাস্থ্যৰ অৱনতি ঘটিছে আৰু ছানী দেওলে চিকিৎসাৰ বাবে পিতৃৰ সৈতে আমেৰিকালৈ ৰাওনা হৈছে । এতিয়া এই সমগ্ৰ বিষয়ত নিজৰ মৌনতা ভংগ কৰি ইয়াৰ আঁৰৰ সঁচা কাহিনী ক’লে ছানী দেওল আৰু তেওঁৰ পত্নী হেমা মালিনীয়ে ।
১১ ছেপ্টেম্বৰত ধৰ্মেন্দ্ৰৰ সন্দৰ্ভত খবৰ আহিছিল যে ৮৭ বছৰীয়া ধৰ্মেন্দ্ৰ বাৰ্ধক্যজনিত সমস্যাত ভুগি আছে। সেয়ে ছানী দেওলে নিজৰ পিতৃক চিকিৎসাৰ বাবে আমেৰিকালৈ লৈ গৈছে আৰু ১৫-২০ দিন তাতেই থাকিব ।
গোটেই সত্যটো কি ?
এতিয়া মঙলবাৰে এই সকলোবোৰ খবৰ নাকচ কৰিছে ছানী দেওলে । অভিনেতাগৰাকীৰ দলটোৰ মতে, ধৰ্মেন্দ্ৰ আৰু ছানী দেওল নিশ্চিতভাৱে আমেৰিকালৈ গৈছে, কিন্তু চিকিৎসাৰ বাবে নহয়, ছুটীৰ বাবেহে গৈছে ।
কেতিয়া ঘূৰি আহিব ছানী আৰু ধৰ্মেন্দ্ৰ ?
ছানী দেওলৰ দলে ১৬ ছেপ্টেম্বৰত অভিনেতাগৰাকী আৰু তেওঁৰ পিতৃ ভাৰতলৈ উভতি আহিব বুলিও অৱগত কৰে । উল্লেখ্য যে সোমবাৰে ছানী দেওলে নিজৰ অফিচিয়েল ইনষ্টাগ্ৰাম একাউণ্টত এটা পোষ্ট শ্বেয়াৰ কৰিছিল, য’ত তেওঁক বন্ধুৰ জন্মদিন উদযাপন কৰা দেখা গৈছিল । ছানী দেওলে পোষ্টটোত লিখিছে, “কেলিফৰ্ণিয়াত বিনীতৰ জন্মদিন উদযাপন কৰিলোঁ ।”
ইফালে ধৰ্মেন্দ্ৰৰ পত্নী হেমা মালিনীয়ে সকলো জল্পনা-কল্পনাক শেষ কৰি কয় যে, "ধৰমজীৰ স্বাস্থ্য অতি ভাল । তেওঁ সম্পূৰ্ণ ভাল । তেওঁ স্বাভাৱিক স্বাস্থ্য পৰীক্ষাৰ বাবে আমেৰিকালৈ গৈছিল । চিন্তা কৰিবলগীয়া একো নাই ।"
গদৰৰ ২ ৰ ব্যৱসায়
গদৰ ২ ৰ ব্যৱসায়ৰ কথা ক’বলৈ গ’লে এতিয়া ছবিখনে ৫০০ কোটি টকাৰ ক্লাবত প্ৰৱেশ কৰিছে । মুক্তিৰ প্ৰায় এমাহৰ ভিতৰতে গদৰ ২ য়ে ৫১৫ কোটি টকাৰ ব্যৱসায় কৰিছে।
লগতে পঢ়ক: Gadar 2: গদৰ 2 ৰ সফলতা পাৰ্টি, তিনি খানৰ লগতে উপস্থিত বলীউডৰ বহু তাৰকা, চাওক ভিডিঅ’
