চিটাৰা ডেস্ক, 12 জুন : বলীউডৰ ছুপাৰষ্টাৰ শ্বাহৰুখ খানৰ কন্যা সুহানা খানে ‘দ্য আৰ্চিছ’ ছবিখনৰ জৰিয়তে বলীউত আত্মপ্ৰকাশ কৰিব (Suhana khan) ৷ বহুদিনৰ পৰা এই ছবিখনৰ সন্দৰ্ভত চৰ্চা চলি আছিল আৰু ছবিখনৰ বাবে অনুৰাগীয়ে অপেক্ষা কৰি আছিল ৷ অৱশ্যে এতিয়া অন্ত পৰিব অনুৰাগীৰ অপেক্ষাৰ ৷ সোমবাৰে সুহানা খানে নিজৰ অফিচিয়েল ইনষ্টাগ্ৰাম একাউন্টত প্ৰথমটো প্ৰজেক্ট দ্য আৰ্চিছৰ নতুন পোষ্টাৰ শ্বেয়াৰ কৰে । উল্লেখনীয় যে, জোয়া আখতাৰৰ পৰিচালনাত নিৰ্মিত এই ছবিখনত অমিতাভ বচ্চন আৰু জয়া বচ্চনৰ নাতি অগস্ত্য নন্দ আৰু বনী কাপুৰ আৰু শ্ৰীদেৱীৰ কন্যা খুশী কাপুৰকো দেখা পোৱা যাব (Suhana khan debut project) ৷
পোষ্টাৰখন শ্বেয়াৰ কৰি সুহানাই লিখিছে, ‘‘আমি ৰিভাৰডেলৰ এই যাত্ৰাত আপোনালোকৰ বাবে এখন আসন ৰক্ষা কৰিছো । লগ পাওক @archiesnetflix গেংকক। অতি সোনকালে আহি আছে, কেৱল @netflix_in ত! #TheArchiesOnNetflix ।’’
ৰিভাৰডেল আৰু ৰিভাৰডেল হাইস্কুলে আৰ্চি এণ্ড্ৰুজ আৰু তেওঁৰ বন্ধুৰ দলটোৰ দুঃসাহসিক অভিযানৰ পৰিৱেশ হিচাপে কাম কৰে । ইয়াৰ পূৰ্বে সুহানাই তেওঁৰ ইনষ্টাগ্ৰাম ষ্ট’ৰীজত প্ৰথমে দ্য আৰ্চিছৰ অফিচিয়েল পেজে ড্ৰপ কৰা এটা পোষ্ট শ্বেয়াৰ কৰিছিল (New poster of the archies)।
ইনষ্টাগ্ৰাম ষ্ট’ৰীজত সুহানাই এই ঘোষণাটো ৰঙা হৃদয়ৰ ইম’টিকনেৰ সৈতে শ্বেয়াৰ কৰিছিল (Shah rukh khans daughter suhana khan)। অৱশ্যে মূল পোষ্টটোৰ কেপচনত লিখা আছিল, "বি আৰ বি, কুৰ্ছি কি আৰু হামাৰি পেটি বান্ধ ৰাহে হে ৰিভাৰডেল জানে কে লিয়ে !"
শেহতীয়াকৈ নিশ্চিত কৰা হৈছে যে দ্য আৰ্চিছৰ কাষ্টে নেটফ্লিক্সৰ TUDUM ইভেণ্টৰ বাবে ব্ৰাজিললৈ যাব । নেটফ্লিক্সৰ অফিচিয়েল ঘোষণা ভিডিঅ’ৰ সমান্তৰালভাৱে ছ’চিয়েল মিডিয়াত এই ভাল খবৰটো পোষ্ট কৰে সুহানা খানে । সুহানা খানে ইয়াৰ কেপচনত লিখিছে, "ৰিভাৰডেলৰ পৰা চাও পাওলোলৈকে, ১৮ জুনত TUDUM গ্ল'বেল ফেন ইভেণ্টত #TheArchies গেং !"
বিশ্বজুৰি জনপ্ৰিয় আৰ্চি কমিক্সৰ আধাৰত নিৰ্মিত এই সংগীত ছবিখনত কিশোৰ আৰ্চি, বেটী, ডিল্টন, ইথাৰ, জুগহেড, ৰেগি, ভেৰ’নিকাৰ দলটোৱে অভিনয় কৰিছে (The archies release date)। ছবিখন ষাঠিৰ দশকৰ লগত জড়িত যৌৱন শক্তি, উৎসাহ, উত্তেজনাৰে ভৰা বুলি কোৱা হয়। টাইগাৰ বেবী ফিল্মছে (ৰীমা কাগতি আৰু জোয়া আখতাৰ) আৰ্চি কমিক্স আৰু গ্রাফিক ইণ্ডিয়াৰ সহযোগত ছবিখনক সমৰ্থন জনাইছে । অতি সোনকালে নেটফ্লিক্সত এই ছবিখন উপলব্ধ হ’ব । ইয়াৰ পৰিচালক জোয়া আখতাৰ আৰু ৰীমা কাগতি।
