চিটাৰা ডেস্ক, 17 মে’: ভাৰতীয় ক্ৰিকেট দলৰ অপেনাৰ শিখৰ ধৱনক এইবাৰ দেখিবলৈ পোৱা যাব ৰূপালী পৰ্দাত ৷ বাতৰি অনুসৰি, শিখৰ ধৱনে এখন ছবিৰ বাবে প্ৰস্তুত কৰি আছে নিজকে । আন এক গোপন সূত্ৰৰ খবৰ অনুসৰি শিখৰে ইতিমধ্যে ছবিখনৰ দৃশ্যগ্ৰহণ সম্পূৰ্ণ কৰিছে (Shikhar Dhawan bollywood debut) । কিন্তু চলচ্চিত্ৰখনৰ শিৰোনাম আৰু বিষয় সম্পৰ্কে এতিয়াও প্ৰকাশ কৰা হোৱা নাই ।
জানিবলৈ পোৱা মতে, শিখৰ ছবিখনৰ সৈতে জড়িত হৈ অত্যন্ত সুখী অনুভৱ কৰিছে । শিখৰে চলচ্চিত্ৰ তাৰকা সকলক যথেষ্ট সন্মান কৰে আৰু যেতিয়া তেওঁক এই ছবিখনৰ প্ৰস্তাৱ দিয়া হৈছিল, তেতিয়া তেওঁ এক মুহূৰ্তৰ বাবেও পিছ হুঁহুকি যোৱা নাছিল (Shikhar dhawan bollywood) । আনহাতে প্ৰযোজকৰো প্ৰথম পছন্দ আছিল শিখৰ ধৱন ৷ মন কৰিবলগীয়া যে চলিত বছৰতেই শিখৰক এই ছবিখনৰ বাবে যোগাযোগ কৰা হৈছিল । লগতে এইটোও কোৱা হৈছে যে শিখৰৰ চৰিত্ৰটো দীঘল আৰু গুৰুত্বপূৰ্ণ । ইফালে ছবিখন এই বছৰতেই মুক্তি পোৱাৰ কথা (Cricket and bollywood) ।
- " class="align-text-top noRightClick twitterSection" data="
">
চলচ্চিত্ৰ প্ৰেমী হিচাপে যদি আপোনাৰ মনত আছে, বিগত বছৰৰ অক্টোবৰত শিখৰ ধৱনক অক্ষয় কুমাৰ, জেকলিন ফাৰ্ণাণ্ডেজ আৰু নুচৰত ভাৰুচা অভিনীত ৰাম সেতুৰ ছেটত দেখা গৈছিল । সেই সময়ত, শিখৰৰ বলীউডত আত্মপ্ৰকাশৰ বিষয়টোক লৈ যথেষ্ট আলোচনা হৈছিল । কিন্তু পিছত বাতৰি ওলাল যে শিখৰে কেৱল অক্ষয় কুমাৰক লগ কৰিবলৈ তালৈ গৈছিল, কিয়নো তেওঁলোক দুয়ো ভাল আৰু ঘনিষ্ঠ বন্ধু ।
একে সময়তে, শিখৰ ধৱন অভিনেতা ৰণবীৰ সিঙৰ সৈতেও আলোচনালৈ আহিছিল । শিখৰে যোৱা বছৰ ৰণবীৰ সিঙৰ সৈতে ছ’চিয়েল মিডিয়াত এখন ফটো পোষ্ট কৰিছিল । ছবিখন শ্বেয়াৰ কৰি শিখৰে লিখিছিল, "ভাই, প্ৰতিবাৰেই আপোনাক লগ পাই ভাল লাগে, 83 ৰ সফলতাৰ বাবে আপোনাক অভিনন্দন, আপোনাক লগ পাই ভাল লাগিছিল, আশ্চৰ্যজনক চিনেমা" ৷ উল্লেখ্য যে, শিখৰ ধৱন চলচ্চিত্ৰ আৰু নৃত্যৰ প্ৰতি খুবেই আগ্ৰহী ৷
