চিটাৰা ডেস্ক, 8 আগষ্ট: বিলাসী জীৱনশৈলীৰ বাবে পৰিচিত বলীউডৰ তাৰকাসকল । বিলাসী ঘৰৰ পৰা দামী বাহনলৈকে বিলাসী জীৱন-যাপন কৰে চেলিব্ৰিটিসকলে । ইয়াৰে ভিতৰত এজন হৈছে বলীউডৰ কিং খান । কিং খানৰ জীৱনশৈলী অতি বিলাসী ৷ ঘড়ীৰ প্ৰতি যথেষ্ট আকৰ্ষিত কিং খান ৷ সেয়াহে ঘড়ীৰ সংগ্ৰহ আছে কিং খানৰ । ইয়াৰ লগতে এটা দামী কফি মগত কফি খোৱাৰ অভ্যাস আছে শ্বাহৰুখ খানৰ। শেহতীয়াকৈ কিং খানৰ তেনে এটা মগৰ ভিডিঅ’ ভাইৰেল হৈ পৰিল । কিন্তু এই মগটোৰ বৈশিষ্ট্য আৰু মূল্য জানি হতভম্ব হৈ পৰিব আপুনি ।
শ্বাহৰুখ খানৰ এই দামী মগটোৰ ভিডিঅ’ ভাইৰেল হৈছিল ২০১৭ চনত । য’ত তেওঁক কফি মগত কফি খাই থকা দেখা গৈছে। ভিডিঅ’টোত এই মগটো ক’লা ৰঙৰ দেখা গৈছে।
মগটোৰ মূল্য কিমান ?
সংবাদ মাধ্যমৰ বাতৰি অনুসৰি শ্বাহৰুখ খানৰ এই মগটোৰ মূল্য প্ৰায় ৩৫,৮৬২ টকা । এই মগটো অনলাইনযোগে আপুনিও ক্ৰয় কৰিব পাৰিব ।
মগটোৰ বৈশিষ্ট্য
শ্বাহৰুখ খানৰ এই মগটোৰ বৈশিষ্ট্যৰ কথা ক’বলৈ গ’লে ইয়াত হিটাৰ আৰু এল ই ডি লাইটিং আছে। এই মগটোৰ বিশেষ কথাটো হ’ল ইয়াত যিকোনো পানীয় দি একে উষ্ণতাত ৩ ঘণ্টা ৰাখিব পাৰে । মাত্ৰ চাৰ্জ কৰিব লাগিব । এই মগটোৰ লগত এটা চাৰ্জিং ক’ষ্টাৰ আছে । ইয়াৰ উষ্ণতা হ্ৰাস আৰু বৃদ্ধি কৰিবলৈ এটা বুটাম আছে।
ৱৰ্ক ফ্ৰণ্টৰ কথা ক’বলৈ গ’লে শ্বাহৰুখ খানক অতি সোনকালে দেখা যাব জৱান ছবিখনত । অহা ৭ ছেপ্টেম্বৰত ছবিগৃহত মুক্তি পাব জৱান । এই ছবিখনত শ্বাহৰুখৰ সৈতে নয়ন্তৰা, বিজয় সেতুপথি, সন্যা মালহোত্ৰাই গুৰুত্বপূৰ্ণ চৰিত্ৰত অভিনয় কৰা দেখা যাব । ইয়াৰ উপৰিও দীপিকা পাডুকনৰ এক বিশেষ ৰূপ দেখা যাব ছবিখনত ।
লগতে পঢ়ক: Shahrukh Khan: ‘মন্নত’ক সজাবলৈ ডিজাইনাৰক দিব পৰা নাছিল ধন, তেতিয়াহ’লে কোনে ডিজাইন কৰিছিল ‘মন্নত’ ?
