Munna Bhai 3: একেলগে দেখা গ’ল সঞ্জয় দত্ত আৰ্শ্বদ ৱাৰ্ছি ৰাজকুমাৰ হিৰানীক; আহি আছে নেকি মুন্না ভাই ৩ ?

পুনৰবাৰ দৰ্শকে পৰ্দাত চাবলৈ পাব মুন্না আৰু চাৰ্কিটৰ যুটি । হয়, দুয়োৰে শ্বুটিঙৰ এটা ভিডিঅ’ পোহৰলৈ আহিছে। য’ত সঞ্জয় দত্ত আৰু আৰ্শ্বদ ৱাৰ্ছিক আকৌ এবাৰ একেলগে দেখা গৈছে ।

চিটাৰা ডেস্ক, ১৫ ছেপ্টেম্বৰ: বলীউডৰ অভিনেতা সঞ্জয় দত্ত আৰু আৰ্শ্বদ ৱাৰ্ছিক একেলগে দেখাটো অনুৰাগীৰ বাবে কোনো ভাল খবৰতকৈ কম নহয় । মুন্না ভাই MBBS ছবিখনৰ পিছৰে পৰা এই যুটিটো অনুৰাগীৰ প্ৰিয়। মুন্না ভাই আৰু চাৰ্কিটৰ কমেডীয়ে হাঁহিৰ খোৰাক দিছিল দৰ্শকক ৷ পৰিচালক ৰাজকুমাৰ হিৰানীৰ পৰিচালনাত নিৰ্মিত এই ছবিখনে দৰ্শকৰ মনত গভীৰ ছাপ পেলাইছিল । এইখন আছিল এখন ব্লকবাষ্টাৰ কমেডী-ড্ৰামা ছবি ।

আপুনি পুনৰ মুন্না ভাই আৰু চাৰ্কিটৰ যুটিটোক একেলগে চাব বিচাৰে নেকি ? তেতিয়াহ’লে আপোনাৰ বাবে লৈ আহিছোঁ এটা ভাল খবৰ ৷ কাৰণ এই যুটিটোক আকৌ এবাৰ একেলগে দেখা পাব আপুনি ৷ হয়, ৰাজকুমাৰ হিৰানীৰ সৈতে আকৌ এবাৰ কাম কৰিব এই যুটিটোৱে ৷ আচলতে এটা ভিডিঅ’ শেহতীয়াকৈ ভাইৰেল হৈ পৰিছে ছ’চিয়েল মিডিয়াত । এই ভিডিঅ’টোত সঞ্জয় দত্তক সম্পূৰ্ণৰূপে মুন্না ভাইৰ গেটআপত দেখা গৈছে । পৰিচালকৰ সৈতে এটা হাস্পতালৰ চেটত প্ৰৱেশ কৰে সঞ্জয় দত্তই । ঠিক তেতিয়াই পিছফালৰ পৰা আহে চাৰ্কিটৰ লুকত আৰ্শ্বদ ৱাৰ্ছি ।

• Reunion of #SanjayDutt #ArshadWarsi and #RajKumarHirani what does people say ??
  Is it Munna Bhai 3 Making 🔥 pic.twitter.com/jFUHufgNee

  — SajalSharma_1999🔥 (@khiladiFan99) September 14, 2023 " class="align-text-top noRightClick twitterSection" data="

  Reunion of #SanjayDutt #ArshadWarsi and #RajKumarHirani what does people say ??
  Is it Munna Bhai 3 Making 🔥 pic.twitter.com/jFUHufgNee

  — SajalSharma_1999🔥 (@khiladiFan99) September 14, 2023

  ">

  Reunion of #SanjayDutt #ArshadWarsi and #RajKumarHirani what does people say ??
  Is it Munna Bhai 3 Making 🔥 pic.twitter.com/jFUHufgNee

  — SajalSharma_1999🔥 (@khiladiFan99) September 14, 2023

আৰ্শ্বদ আৰু সঞ্জয়ে ইগৰাকীয়ে সিগৰাকীক সাৱটি ধৰি কয় যে আমি ঘূৰি আহিছোঁ । একে সময়তে পিছফালে থিয় হৈ থকা ৰাজকুমাৰ হিৰাণীয়ে তেওঁলোকৰ সাক্ষাৎ দেখি হাঁহি থকা দেখা যায় । ভিডিঅ’টোৰ বেকগ্ৰাউণ্ডলৈ চালে এনেকুৱা লাগে যেন কিবা এটাৰ শ্বুটিং চলি আছে । এই ভিডিঅ’টো ভাইৰেল হোৱাৰ লগে লগে উৎফুল্লিত হৈ পৰিছে অনুৰাগী । মুন্না ভাই ৩ কেতিয়া নিৰ্মাণ কৰা হ’ব বুলি প্ৰায়ে অনুৰাগীয়ে ছ’চিয়েল মিডিয়াত ৰাজকুমাৰ হিৰানীক প্ৰশ্ন সোধা দেখা যায় ৷ এতিয়া এই ভিডিঅ’টোৰ পৰা অনুমান কৰা হৈছে যে এই যুটিটো ছবিখনৰ তৃতীয় খণ্ডৰ বাবে পুনৰ একত্ৰিত হৈছে ।

উল্লেখ্য যে, মুন্না ভাই এম বি বি এছ ২০০৩ চনত মুক্তি লাভ কৰিছিল । এই ছবিখনত সঞ্জয়ৰ পিতৃ সুনীল দত্তৰ লগতে গ্ৰেচি সিং, বোমন ইৰানী আৰু জিমি শ্বাৰগিলেও অভিনয় কৰিছিল ৷ আনহাতে জনপ্ৰিয় ফ্ৰেঞ্চাইজি লাগে ৰাহো মুন্না ভাই ২০০৬ চনত আহিছিল ৷ এই ছিকুৱেল ছবিখনত বিদ্যা বালান, বোমন ইৰাণী, দিয়া মিৰ্জা আৰু দিলীপ প্ৰভালকাৰে অভিনয় কৰিছিল । এতিয়া দৰ্শকে আগ্ৰহেৰে অপেক্ষা কৰি আছে মুন্না ভাই ৩ ৰ বাবে।

লগতে পঢ়ক: Sanjay Dutt Birthday: সঞ্জয় দত্তৰ ৩০৮ গৰাকী প্ৰেমিকাৰ কাহিনী কিমান দূৰ সত্য ? প্ৰেমিকাৰ বাবে পত্নীকো আওকাণ কৰিছিল নেকি তেওঁ ?