চিটাৰা ডেস্ক, 26 ডিচেম্বৰ : বিগত সপ্তাহত মুম্বাই বিমানবন্দৰত হৃত্বিক ৰোশন আৰু তেওঁৰ সন্তানৰ সৈতে দেখা গৈছিল শ্বাবা আজাদক ৷ বৰদিন উদযাপন কৰিবলৈ গৈছিল তেওঁলোক একেলগে (Hrihtik Roshan with kids Saba Azad) ৷ অনুৰাগীসকলে তেওঁলোক ক’লৈ গৈছে বুলি অনুমান কৰি থকাৰ সময়তে দেওবাৰে নিশা হৃত্বিকে নিজৰ ছ’চিয়েল মিডিয়াত অজ্ঞাত স্থানৰ পৰা এখন আদৰণীয় পাৰিবাৰিক ছবি শ্বেয়াৰ কৰে (Hrithik Roshan instagram) ।
ইনষ্টাগ্ৰামত ছবিখন শ্বেয়াৰ কৰি হৃত্বিকে কেপছনত লিখিছিল, “মেৰী খ্ৰীষ্টমাছ বিউটিফুল পিপল” ৷ ছবিখনত শ্বাবাক হৃত্বিক, হৃত্বিকৰ দুই পুত্ৰ হৃহান-হৃদান আৰু তেওঁৰ সম্পৰ্কীয় ভাই-ভগ্নী পশমিনা আৰু এছান ৰোশনৰ সৈতে কোনোবা ঠাণ্ডা স্থানত প’জ দিয়া দেখা গৈছিল ।
ছবিখন শ্বেয়াৰ কৰাৰ কিছু সময়ৰ পিছতে অনুৰাগীসকলে কমেণ্ট কৰিবলৈ আৰম্ভ কৰে । এজন অনুৰাগীয়ে মন্তব্য কৰে যে, "আপোনাৰ আৰু আপোনাৰ পৰিয়াললৈ বৰদিনৰ শুভেচ্ছা থাকিল" । আন এজন অনুৰাগীয়ে লিখিছে, "কি ধুনীয়া পাৰিবাৰিক ফটো । বৰষুণত গান গোৱাৰ সলনি....নিয়ৰত গান গাইছে" ৷
হৃত্বিক আৰু শ্বাবাৰ সম্পৰ্কৰ বাতৰি চলিত বৰ্ষৰ আৰম্ভণিতে দুয়োকে একেলগে ডিনাৰ ডেটত দেখাৰ পিছতেই আৰম্ভ হৈছিল । পিছত বহুবাৰ হৃত্বিকৰ পৰিয়ালৰ লগত গেট টুগেদাৰত শ্বাবাক দেখা গৈছিল । কৰণ জোহৰৰ 50 সংখ্যক জন্মদিনৰ পাৰ্টীত দুয়োৱে একেলগে এণ্ট্ৰি কৰি সকলোকে আচৰিত কৰি তুলিছিল ।
- " class="align-text-top noRightClick twitterSection" data="
">
ইণ্টেৰিয়ৰ ডিজাইনাৰ ছুছান খান হৃত্বিকৰ প্ৰাক্তন পত্নী । বিচ্ছেদৰ পিছতো এই যুটিটোক সঘনাই বিভিন্ন স্থান আৰু অনুষ্ঠানত দেখা পোৱা যায় ৷ দুয়োৱে এক বন্ধুত্বপূৰ্ণ সম্পৰ্ক বৰ্তাই ৰাখিছে ৷ তেওঁলোকৰ সম্পৰ্কৰ এক আনুষ্ঠানিক নিশ্চিতিৰ বাবে এতিয়াও অপেক্ষা কৰি থকা হৈছে ।
হৃত্বিকক পৰৱৰ্তী সময়ত পৰিচালক সিদ্ধাৰ্থ আনন্দৰ পৰৱৰ্তী এৰিয়েল এক্সন থ্ৰিলাৰ ছবি ‘ফাইটাৰ’ত দীপিকা পাডুকন আৰু অনিল কাপুৰৰ সৈতে দেখা যাব (Hrihtik Roshan upcoming movie) । 2024 চনৰ জানুৱাৰী মাহত ছবিখনে মুক্তি লাভ কৰিব । শ্বাবাৰ ৱৰ্ক ফ্ৰণ্টৰ কথা ক’বলৈ গ’লে পৰৱৰ্তী সময়ত ছ’নি ৰাজদানৰ সৈতে ছংছ অৱ পেৰাডাইজ ছবিখনত দেখা যাব ।
লগতে পঢ়ক : 2022 বৰ্ষটোত পিতৃ-মাতৃৰ হোৱাৰ গৌৰৱ লাভ কৰা তাৰকাসকলৰ বিষয়ে জানো আহক
