চিটাৰা ডেস্ক, 1 মাৰ্চ: বৰ্তমানলৈকে ক্ৰেজ মাৰ যোৱা নাই টলীউডৰ ছবি ‘আৰ আৰ আৰ’ৰ ৷ বিশ্বজুৰি ১১৫০ কোটিৰো অধিক উপাৰ্জন কৰিছে আৰ আৰ আৰে । ‘বাহুবলী’ৰ খ্যাতি পৰিচালক এছ এছ ৰাজামৌলিৰ মাষ্টাৰপিছ ছবি RRR যোৱা বছৰ ২০২২ চনৰ ২৫ মাৰ্চত মুক্তি লাভ পাইছিল ৷ মুক্তিৰ পূৰ্বেই লাখ লাখ টিকট বিক্ৰী হৈছে ছবিখনৰ ৷
RRR ছবিখনে সম্পূৰ্ণ কৰিবলৈ ওলাইছে এটা বছৰ ৷ যদিও দৰ্শকৰ মাজত ছবিখনৰ জনপ্ৰিয়তা মাৰ যোৱা নাই ৷ এটা বছৰত এটাৰ পিচত আনটো সন্মান লাভ কৰিবলৈ সক্ষম হৈছিল ছবিখনে ৷ শেহতীয়াকৈ হলিউড সমালোচক সংস্থাৰ চলচ্চিত্ৰ বঁটাত ‘RRR’ ছবিখনে লাভ কৰিছিল ‘শ্ৰেষ্ঠ আন্তঃৰাষ্ট্ৰীয় চলচ্চিত্ৰ’কে ধৰি আন তিনিটা বঁটা (RRR wins Best International Film at HCA) ৷
বৰ্তমানলৈকে ছবিখনে বহু বঁটা লাভ কৰিছে যদিও এতিয়াও অস্কাৰ বঁটা লাভ কৰা নাই । কিন্তু অস্কাৰ বঁটাও অতি সোনকালে লাভ কৰিব বুলি আশা কৰিছে অনুৰাগীসকলে ৷ শেহতীয়াকৈ ছবিখনৰ সন্দৰ্ভত আহিছে এটা নতুন আপডেট ৷ ছবিখন এইবাৰক মুক্তি লাভ কৰি লছ এঞ্জেলছ (আমেৰিকা)ৰ ‘দ্য থিয়েটাৰ এট এচ হোটেল’ত (The Theatre at Ace Hotel) । আজি অৰ্থাৎ ২০২৩ চনৰ ১ মাৰ্চৰ সন্ধিয়া ৭.৩০ বজাত (লছ এঞ্জেলছৰ সময় অনুসৰি) ছবিখন প্ৰদৰ্শন কৰা হ’ব ।
ইতিমধ্যেই বিক্ৰী হৈ গ’ল সকলো টিকট
মন কৰিবলগীয়া কথা যে এই ছবিগৃহখনত ১৬৪৭ খন আসন আছে ৷ কিন্তু অতি শীৰ্ঘেই বিক্ৰী হৈ গ’ল ১৬৪৭ খন আসন । সন্ধিয়াৰ ছবিগৃহত দৰ্শকৰ অভূতপূৰ্ব ভিৰ দেখা পোৱা যাব বুলি অনুমান কৰা হৈছে । ভাৰতীয় সময় অনুসৰি এই স্ক্ৰীনিং হ’ব সন্ধিয়া ৬ বজাত । মুঠৰ ওপৰত কেৱল দেশতে নহয়, সমগ্ৰ বিশ্বতে ছবিখনক লৈ উন্মাদনাৰ সৃষ্টি হৈছে । জাপানতো এই ছবিখনে ১০০ কোটিৰো অধিক উপাৰ্জন কৰিছে । ছবিখনৰ গীত নাটু-নাটুৱে ইতিমধ্যে আন্তঃৰাষ্ট্ৰীয় পৰ্যায়ত শ্ৰেষ্ঠ গীতৰ খিতাপ লাভ কৰিছে (RRR on The Theatre at Ace Hotel)।
ইয়াৰ পূৰ্বে আৰ আৰ আৰ সন্দৰ্ভত লাভ কৰা হৈছিল এটা ভাল খবৰ ৷ সেয়া হ’ল ৯৫ সংখ্যক অস্কাৰ বঁটা প্ৰদান অনুষ্ঠানত ছবিখনৰ ছুপাৰহিট গীত নাটু-নাটু লাইভ পৰিবেশন কৰা হ’ব । এই গীতটিৰ কণ্ঠশিল্পী হৈছে ৰাহুল ছিপলিগঞ্জ আৰু কাল ভৈৰৱ । অহা ১২ মাৰ্চত ৯৫ সংখ্যক অকাডেমী বঁটা প্ৰদান অনুষ্ঠানৰ আয়োজন কৰা হৈছে । অস্কাৰত শ্ৰেষ্ঠ গীতৰ শাখাত মনোনয়ন লাভ কৰিছে গীত নাটু-নাটুৱে।
লগতে পঢ়ক: HCA tweet about Jr NTR: HCA এৱাৰ্ড শ্ব’ত কিয় অংশগ্ৰহণ কৰা নাছিল জুনিয়ৰ এন টি আৰে ?
