চিটাৰা ডেস্ক, 9 মাৰ্চ: কৃতি সেননৰ সৈতে ৰূপালী পৰ্দাত কাম কৰিবলৈ আগ্ৰহী বলীউডৰ অভিনেতা ৰণবীৰ কাপুৰ । শেহতীয়াকৈ অভিনেতাগৰাকীৰ ছবি টু ঝুঠি মে মক্কাৰৰ প্ৰচাৰৰ সময়ত ৰণবীৰে পৰৱৰ্তী সময়ত কোনগৰাকী অভিনেতা-অভিনেত্ৰীৰ সৈতে কাম কৰিব বিচাৰে বুলি সাংবাদিকে এক প্ৰশ্ন কৰিছিল ৷ সাংবাদিকে সোধা এই প্ৰশ্নৰ উত্তৰত অভিনেতাজনে কৃতি সেননৰ সৈতে একেলগে এখন ছবিত কাম কৰিব বিচাৰে বুলি উল্লেখ কৰে (Ranbir Kapoor wishes to work with Kriti Sanon) ।
উল্লেখ্য যে, লুভ ৰঞ্জনৰ পৰিচালনাত নিৰ্মিত টু ঝুঠি মে মক্কাৰৰ চিত্ৰগ্ৰহণ মৰিচাছ, স্পেইন, দিল্লী, আৰু মুম্বাইত কৰা হৈছিল । ৰণবীৰ কাপুৰ আৰু শ্ৰদ্ধা কাপুৰে একেলগে ছবিখনত প্ৰথমবাৰ অভিনয় কৰিছে, লগতে অনুভৱ সিং বছি, ডিম্পল কাপাডিয়া আৰু বনী কাপুৰে গুৰুত্বপূৰ্ণ সহযোগী চৰিত্ৰত অভিনয় কৰিছে (Bollywood actor Ranbir Kapoor) ।
উল্লেখ্য যে, পেছাদাৰী দিশত অভিনেত্ৰী কৃতি বৰ্তমান দুখন ব্লকবাষ্টাৰ ছবিৰ বাবে সাজু হৈছে ৷ জুন মাহত মুক্তি লাভ কৰিব প্ৰভাসৰ সৈতে ওম ৰাউটৰ দ্বাৰা পৰিচালিত পৌৰাণিক নাটক আদিপুৰুষ আৰু অক্টোবৰ মাহত মুক্তি লাভ কৰিব টাইগাৰ শ্ৰফৰ সৈতে বিকাশ বাহলৰ গণপথ । তদুপৰি "দ্য ক্ৰু" ছবিখনত কাম কৰাৰ লগতে আৰু শ্বাহিদ কাপুৰৰ সৈতে এখন শিৰোনামহীন ছবিত কাম কৰি আছে কৃতিয়ে (Shraddha Kapoor) ।
ইফালে লুভ ৰঞ্জনৰ ছবিখনক টুইটাৰযোগে ব্যাপক সঁহাৰি প্ৰদান কৰিছে নেটিজেনে (Tu Jhoothi Main Makkar) ৷ এই ছবিখনৰ সমৰ্থনত বহু লোকে ইতিমধ্যেই নিজৰ মন্তব্য প্ৰকাশ কৰিছে ৷ টু ঝুঠি মে মক্কাৰৰ প্ৰাৰম্ভিক সমালোচনা ইতিবাচক পৰিলক্ষিত হৈছে (Tu Jhoothi Main Makkaar promotion) ৷ মুকলিৰ প্ৰথম দিনা আৰু দ্বিতীয় দিনাৰ বক্স অফিচৰ সংগ্ৰহে ছবিখনৰ সফলতাৰ ক্ষেত্ৰত আগুৱাই যোৱাৰ সম্ভাৱনাই অধিক ৷
ইণ্টাৰনেট ব্যৱহাৰকাৰীসকলে টিজেএমএমক ৰোমান্টিক কমেডী আৰু পাৰিবাৰিক ছবিৰ আদৰ্শ মিশ্ৰণ হিচাপে প্ৰশংসা কৰিছে । টুইটাৰতো বহুতে ছবিখনত কমিক টাইমিংৰ বাবে ৰণবীৰক প্ৰশংসা কৰি চৰিত্ৰৰ ক্ৰেডিট কৰা বুলিও জানিব পৰা গৈছে । আন একাংশই ছ’চিয়েল মিডিয়া ব্যৱহাৰকাৰীয়ে ৰণবীৰ আৰু শ্ৰদ্ধাক নেপটিজিমৰ দোহাই দি কয়, “সকলো নেপটিজিমৰ সামগ্ৰী বেয়া নহয়”।
লগতে পঢ়ক: Tu Jhoothi Main Makkar day 1 collection: প্ৰথম দিনা বক্স অফিচত কিমান সংগ্ৰহ কৰিলে TJMM য়ে ?
